"რეალიდან" წასვლა "მე ვგრძნობდი, რომ "რეალის" პირველ გუნდში ჩემი ადგილი არ იყო, ამიტომაც გადმოვბარგდი გერმანიაში და დავიწყე თამაში "ბუნდესლიგაში". მე მადრიდში დიდი გამოცდილება შევიძინე, რაც ფეხბურთში აუცილებლად გამომადგება, "კასტილია" მუდამ ჩემს გულში იქნება."
"რეალის" ახალგაზრდები "სამეფო კლუბს მრავალი ახალგაზრდა ჰყავს, რომლის კარგად გამოყენების შემთხვევაში ის იხეირებს, მაგალითად ჩერიშევი, რომელიც "სევილიაშია" განათხოვრებული, იგივე შემიძლია ვთქვა მოსკურზეც. "კასტილიას" მრავალი ნიჭიერი ფეხბურთელი ჰყავს და ვფიქრობ, ამით "რეალის" პირველმა გუნდმა უნდა ისარგებლოს."
კარვახალი "დანი ბრწყინვალე მცველია, სამეფო კლუბში მისი გადასვლა ძალიან გამიხარდა, რადგან ის ძალიან ნიჭიერი და კარგად მომზადებული ფეხბურთელია, მას ბევრი შეუძლია."
ხესე როდრიგესი "ის უნიკალური შემტევია, რომელიც ამომავალ ვარსკვლავად მოიაზრება. მასზე დიდ იმედებს ამყარებენ და ეჭვიც არ მეპარება, რომ ის კიდევ უფრო განვითარდება და თავის შესაძლებლობებს სრულად გამოავლენს."
მორატა "მორატას სათამაშო დრო არ აქვს, ძალიან რთული კონკურენცია გაუწიო ისეთი მაღალი დონის თავდამსხმელს, როგორიც კარიმ ბენზემაა და რონალდოსთან შეთამაშდე."
ნაჩო "ნაჩოს შეუძლია როგორც ცენტრალური, ასევე გვერდითი მცველის როლის შესრულება, ის ჩვენი გუნდის კაპიტანი იყო და მჯერა, რომ გუნდში ადგილის დამკვიდრებას შეძლებს."
"რეალის" შანსები "ლა ლიგაზე" "მართალია სამეფო კლუბს კიდევ აქვს შანსი "ლა ლიგა" მოიგოს, თუმცა მე მგონია, რომ ამ ტიტულს "ატლეტიკო" აიღებს, რადგან მას არც თუ ისე რთული კალენდარი აქვს, თუ "ბარსელონასთან" შეხვედრას არ ჩავთვლით და ქულების დაკარგვის შანსი მინიმალურია, მაგრამ მე "რეალს" ვგულშემატკივრობ."