"ბუსკეტსის სიტუაციაში ჩვენ მთლიანად პეპეს მხარეზე ვართ. ყველაფერი პირიქით რომ მომხდარიყო, ბევრად მეტი საუბრები იქნებოდა. ის ჩვენთვის საკვანძო ფეხბურთელია".
"დორტმუნდი":
"შედეგით კმაყოფილი ვარ, მაგრამ წინ კიდევ 90 წუთია. გახარებულები ვართ, მაგრამ არა მოდუნებულნი".
რონალდუ:
"მან კარგად იასპარეზა და მოედანი თავის დაზღვევის მიზნით დატოვა. დღევანდელ ვარჯიშზე კრიშტიანუ ჯანმრთელად იყო, "სოსიედადის" წინააღმდეგ მას თამაში თავისუფლად შეეძლება".
პრიმერა თუ ჩემპიონთა ლიგა?
"ორივე ეს გათამაშება ურთულესია, არჩევანის გაკეთება მიჭირს. ჩემპიონთა ლიგას აქვს რაღაც განსაკუთრებული აქვს, თანაც, ამ ტურნირზე უკანასკნელი წარმატებიდან მრავალი წელი გავიდა".
ჭორები იმის თაობაზე, რომ "რეალი" რაკიტიჩით ინტერესდება:
"სატრანსფერო საუბრებისთვის ჯერ ძალიან ადრეა, ამის შესახებ არაფერი ვიცი. ის ძალიან შთამბეჭდავი, ლა ლიგას კარგად შეგუებული ფეხბურთელია, მაგრამ ახლა ტრანსფერებზე არ ვფიქრობთ".
შედარება გასულ სეზონთან:
"ლა ლიგაში უკეთესი შედეგები გვაქვს, მაგრამ შედარებები მნიშვნელოვანი სულაც არ არის, წინ კიდევ არაერთი ნერვული კვირა გველის დატვირთული მატჩებითურთ".
ტრავმები:
"ჩვენი კალენდარი ძალიან დატვირთულია, სექტემბრიდან მოყოლებული ოთხშაბათი - კვირას სისტემით ვთამაშობთ, შემდეგ კი მუნდიალი გველის. ამიტომ, გასაკვირი არ არის, რომ ამდენი ფეხბურთელია დაზიანებული, შემდეგში მათი რიცხვი შეიძლება გაიზარდოს კიდეც".
"ანოეტა":
"ამ სტადიონზე თამაში მუდამ რთულია, გულშემატკივრები მასპინძლებს დიდებულად უჭერენ მხარს. "სოსიედადთან" მატჩი ძალიან დაძაბული იქნება, მაგრამ იძულებულნი ვართ, გამარჯვება მოვიპოვოთ".