კარლო ანჩელოტი "სოსიედადთან" მატჩამდე ერთი დღით ადრე ჟურნალისტებს გაესაუბრა და მიმოიხილა სამომავლო თამაში და ასევე თავისი ფეხბურთელების მდგომარეობა.
ხესეს შესახებ:
"ხესეს ამ დღეებში სიცხე ჰქონდა, თავს კარგად ვერ გრძნობს. დღეს გერმანიაში გაემგზავრება, რომ გააკონტროლოს ეს სიტუაცია. იმედი მაქვს სერიოზული არაფერია და მხოლოდ ცხელება სჭირს. მას არ გაუმართლა. ყველა გუნდის და ფეხბურთელის ცხოვრებაში დგება ეს მომენტი, ტრამვა ნორმალური მოვლენაა, მარა ასეთი ახალგაზრდა და განვითარებადი ფეხბურთელისთვის რთულია ასეთ დროს შეჩერება. ზოგადად ამის არსებობის არ მჯერა, მაგრამ "ბოროტო თვალის" გავლენა იგრძნობა. "
რონალდოს შესახებ:
"ხვალ კრიშტიანუს დავასვენებთ, რადგან ის დაღლილია და დასვენება ესაჭიროება, ჩვენ კი წინ უამრავი მატჩი გვაქვს დარჩენილი. ახლა ის დაისვენებს, რათა სრულყოფილად მოემზადოს სამშაბათის მატჩისთვის. "
დი მარიას შესახებ:
"დი მარია თითქოს გამოკეთდა, მაგრამ არ ვიცი ზუსტად ვათამაშებ თუ არა. მან დაიკლო წონაში და დასუსტდა, ვფიქრობ ხვალისთვის კარგად იქნება. ამიტომ ჯერ არ გადამიწყვეტია მისი თამაშის საკითხი "სოსიედადთან", დაველოდები ხვალინდელ დღეს და გადაწყვეტილებასაც მაშინ მივიღებ. "
კალენდარი:
"კალენდარი ძალიან რთულია, ძნელი მოსაგვარებელია გერმანული კლუბებისგან განსხვავაებით. მათ ძალიან მნიშვნელოვან დროს ქონდათ ზამთრის შესვენება, ჩვენ კი იანვარში 9 შეხვდრის ჩატარება მოგვიწია, ეს რა თქმა უნდა რთულია და ასე არა მხოლოდ ჩვენ, არამედ უამრავ სხვა კლუბსაც დაემართა. ნამდვილის სასწაულია, ესპანეთს ყავს 5 წარმომადგენელი ევროპულ ტურნირებზე. ძალიან რთული კალენდარი გვაქვს და აქედან გამომდინარე ტრამვების ლოგიკურია. "
ტრამვები:
"ჩვენ გვყავს ბევრი ტრამვირებული ფეხბურთელები, მაგალითად არბელოა, ხედირა, ხესე, მრსელო...ეს ნორმალურია, გვჯერა, რომ გუნდი წარმატებულად გააგრძელებს ასპარეზობას. ოთხშაბათს მნიშვნელოვანი გამარჯვება მოვიპოვეთ, ახლა გუნდი კარგ ფორმაშია, ლაღად ვთამაშობთ მიუხედავად იმისა, რომ ამდენი ტრამვირებული გვყავს. "
კრიშტიანუს დასვენების მიზეზი:
"მე ვფიქრობ ძველი კრიშტიანუ მალე დაბრუნდება, მაგრამ ამისთვის რამოდენიმე დღე დასვენებაა საჭირო. "ბორუსიასთან" მატჩამდე მცირე შესვენება ნამდვილად სჭირდებოდა. პატარა როტაციები დაგვჭირდება და შესაძლოა მორატამაც ითამაშოს. ისკო აუცილებლდ იქნება მოედანზე. "
მატჩის ანალიზი:
"ჩვენ მაქსიმუმს გავაკეთებთ მოსაგებად, გვსურს "ლა ლიგის" მოგება და ხვალინდელ თამაშში გამარჯვება აუცილებლად გვჭირდება, წინააღმდეგ შემთხვევაში ტურნირს უნდა გამოვემშვიდობოთ. ჩვენ სახლში შესანიშნავად ვითამაშეთ მათ წინააღმდეგ და იგივეს გაკეთებას შევეცდებით. ისინი ძალიან სახიფათოები იქნებიან და ფრთხილად უნდა ვითამაშოთ, გამარჯვებას უდიდესი მნიშვნელობა აქვს. "
ხედირა აღდგენა:
"ხედირა ინდივიდუალურ ვარჯიშებს ასრულებს და 10-15 დღეში შესაძლოა უკვე გუნდთან ერთად დაიწყოს ვარჯიში. "
ბეილის შესახებ:
"ბეილი ძალიან კარგად თამაშობს. შესანიშნავი პერიოდი აქვს და რაც მთავარია სტაბილურად გამოიყურება. მას უფრო მეტი შეუძლია და მოუმატებს კიდევაც. ხვალ რონალდოს არყოფნაში შესაძლოა პოზიციაც შევუცვალო მას. "
ფიფას სანქია "ბარსას":
"მე არ გავაკეთებ კომენტარს "ბარსას" სანქციის შესახებ. ეს განსხვავებული საფეხბურთო თემაა და მე არ მეხება. "
