მთავარი » 2014»აპრილი»4 » ანჩელოტი: "რონალდუს პოზიციაზე შესაძლოა ბეილმა ითამაშოს"
15:55
ანჩელოტი: "რონალდუს პოზიციაზე შესაძლოა ბეილმა ითამაშოს"
"ხესეს მცირე გართულებები აქვს. მას მუხლი დაუსივდა და დღეს ის გერმანიაში მიემგზავრება. ვიმედოვნებთ, რომ სერიოზული არაფერია".
"რონალდუ დაისვენებს, რადგან წინ კიდევ ბევრი სერიოზული მატჩი გველის. ის სახლში დარჩება და სამშაბათის შეხვედრისთვის მზად იქნება. მან ბოლო პერიოდში ძალიან ბევრ შეხვედრაში მიიღო მონაწილეობა და მისი დასვენებით, გართულებებისგან თავს დავიზღევთ. მას ვესაუბრე და ერთად გადავწყვიტეთ, რომ ასე უმჯობესი იქნება. თქვენ იცით, რომ მას მუდამ თამაში სურს, მაგრამ ამ მომენტისთვის ეს საუკეთესო გამოსავალია".
"დი მარია გამოჯანმრთელდა, მაგრამ ხვალ ძირითადში არ ითამაშებს. მან წონაში დაიკლო და სატრენაჟორო დარბაზში მოუწია ვარჯიში".
"კალენდარი ძალიან დატვირთულია. მითუმეტეს, გერმანიასთან შედარებით. იქ ფეხბურთელებს ერთთვიანი შესვენება აქვთ ზამთარში და თამაშს მხოლოდ თებერვალსა და მარტში ანახლებენ. ჩვენ კი, იანვარში 9 თამაშის გამართვა მოგვიწია, რაც უბრალოდ წარმოუდგენელია. სასწაულია, რომ ასეთი გრაფიკის ფონზე 5 ესპანური კლუბი მაინც განაგრობს სვლას ევროასპარეზზე. ამიტომ, ფეხბურთელთა ტრავმები საკმაოდ ნორმალური მოვლენაა".
"მიუხედავად ხესეს, ხედირასა და არბელოას ტრავმებისა, გუნდი ფიზიკურად კარგადაა მომზადებული."
""სოსიედადთან" დაპირისპირება ძალიან მნიშვნელოვანია, ტიტულისთვის ბრძოლის გაგრძელება გვსურს, რადგან მოგების შანსი ჯერ კიდევ გვაქვს. ყველაფერი უნდა გავაკეთოთ, რაც ჩვენს ძალებში იქნება".
"ხედირა ინდივიდუალურად ვარჯიშობს და 10-15 დღეში გუნდს შეუერთდება".
"იმ შემთხვევაში, თუ "ანოეტაზე" გამარჯვებას ვერ მოვიპოვებთ, ტიტულის მოპოვება კიდევ უფრო გართულდება".
"შესაძლოა, მორატამ ძირითადში დაიწყოს და მეტოქეს ფლანგიდან შეუტიოს".
"გარეთ ბეილი დიდებული ფორმაშია და ხვალ, შესაძლოა კრიშტიანუ რონალდუს პოზიციაზე იასპარეზოს".
"კარლოს ველა დიდებული ფეხბურთელია, მაგრამ მის გამო დაცვაში რაიმე სახის ცვლილებები არ იგეგმევა".
""ბარსელონას" დასჯა ჩემი პრობლემა არ არის, მე მხოლოდ ფეხბურთზე მიყვარს საუბარი, ეს თემა კი უშუალოდ ფეხბურთს არ ეხება".