"ვფიქრობ, კარგი მატჩი ჩავატარეთ. გუნდი ბურთს ფლობდა, მეტოქის კართან საფრთხეს ქმნიდა. დაცვაში კარგად ვიასპარეზეთ. შეიძლება აღინიშნოს, რომ მეორე ტაიმში ნაკლებად დამაჯერებლად ვიასპარეზეთ. გუნდი ფიზიკურად დაიღალა და ყოველთვის სწორად და მკაფიოდ ვერ თამაშობდა. პეპემ საიმედოდ და შემართებით იასპარეზა. მას შეუძლია ეს სეზონი თავის აქტივში ჩაწეროს. პორტუგალიელი ხარისხიანი და საიმედოა, მთავარი კი სტაბილურობაა".
"ისკომ ჩინებული მატჩი ჩაატარა. მან შესანიშნავად ითამაშა როგორც შეტევაში, ასევე დაცვაში. მის მონდომებას გამოვყოფდი. მან ეს შეხვედრა ძალიან ხარისხიანად ჩაატარა, პრაქტიკულად შეცდომა არ დაუშვია. ის ახალ პოზიციას ეგუება და გუნდს ეხმარება".
"კრიშტიანუ რონალდუს ყველაფერი რიგზე აქვს. ჩვენ ის უსაფრთხოების მიზნით შევცვალეთ. მისი მუხლი სრულ წესრიგშია".
"დორტმუნდის "ბორუსია" ყველაფერს გააკეთებს, რათა მდგომარეობა გაგვირთულოს. დორტმუნდში გასამართ მატჩს დიდი ყურადღებით უნდა მოვეკიდოთ. თუ დღევანდელის მსგავსად ვითამაშებთ, პრობლემები არ შეგვექმნება. ნახევარფინალში უნდა გავიდეთ".
"დღეს საოცარი ატმოსფერო იყო. ორ მარცხზე რეაგირება მოვახდინეთ და ორი დამაჯერებელი გამარჯვება მოვიპოვეთ. ის ორი მარცხი შესაძლოა ძვირად დაგვიჯდეს. თუ ლა ლიგის მოგებას ვერ მოვახერხებთ, სასოწარკვეთას არ უნდა მივეცეთ. წინ კიდევ ორი სავარაუდო ფინალი გვაქვს".