“სევილიასთან” წაგებული თამაშის (1:2) შემდეგ, მადრიდის “რეალის” ფეხბურთელებმა გუნდის უელსელი შემტევი გარეთ ბეილი გააკრიტიკეს. ამ ინფორმაციას AS-ი ავრცელებს.
სევილიაში გამართული თამაშის დროს, ბეილი 4-ჯერ აღმოჩნდა სიტუაციაში, როდესაც მისი თანაგუნდელი უკეთეს მდგომარეობაში იყო. უელსელმა ოთხივე შემთხვევაში კარში დარტყმა გადაწყვიტა. მადრიდელი ჟურნალისტების ცნობით, მატჩის შემდეგ, “რეალის” ფეხბურთელებმა თანაგუნდელი გააკრიტიკეს და აუხსნეს, რომ მას თამაშისადმი მიდგომის შეცვლა მართებს.