მიუხედავად იმისა, რომ უელსელი პირველ სეზონს ატარებს მადრიდულ გრანდში, სათანადო პასუხისმგებლობის აღებასა და ლიდერის ფუნქციების შეთვისებას არ ერიდება.მიმდინარე სეზონის ფარგლებში, ბეილს 6-ჯერ მოუწია რონალდუს გარეშე მწვანე მინდორზე გასვლა და სტატისტიკას მხოლოდ მის დიდ პოტენციალზე მეტყველებს.
აღნიშნულ ექვს დაპირისპირებაში, ბეილმა 7 გოლი შეაგდო და ერთხელ თანაგუნდელსაც გაატანინა.პირველად, კრიშტიანუს ჩრდილიდან გამოსვლის შანსი, „ვალიადოლიდის“ წინააღმდეგ მიეცა, სადაც არც მეტი არც ნაკლები, ჰეთ-თრიქით გამოირჩა.ამას მოჰყვა გოლები „გალათასარაისთან,“ „ვილიარეალთან,“ „ელჩესთან“ და „რეალ სოსიედადთან.“მართალია, „ხეტაფეს“ განადგურებაშ (3-0) უშუალოდ წვლილი არ შეუტანია, თუმცა ერთ-ერთი გამორჩეული იყო თანაგუნდელებს შორის.
რაც შეეხება მის საერთო მონაგარს, უკვე 18 ბურთსა და 15 შედეგიან გადაცემას აგროვებს „რეალის“ მაისურით.„ტოტენჰემის“ ყოფილი ვარსკვლავისათვის, ჯერჯერობით მხოლოდ „კოპა დელ რეი“ რჩება მიუწვდომელ ციხე-სიმაგრეთ და 16 აპრილს კარგი შანსი ეძლევა, თასზეც გახსნას საკუთარი ანგარიში.
