კრიშტიანო რონალდომ მარტის თვე შესანიშნავად ჩაატარა და მან მის კარიერაში პირველად, ზედიზედ 8 სხვადასხვა თამაშში მოახერხა თავის გამოჩენა. მას შემდეგ, რაც პორტუგალიელმა „ლა ლიგაზე“ 3 მატჩიანი დისკვალიპიკაცია მოიხადა, ჩაატარა სულ 8 მატჩი, საიდანაც 10 გოლის გატანა მოახერხა.
„რეალის“ 7-იანმა გაიტანა „შალკესთან“ „ჩემპიონთა ლიგაზე“, შემდეგ კამერუნთან ეროვნულ ნაკრებში, შემდეგ „ატლეტიკო“, „ლევანტე“, „მალაგა“, „ბარსელონა“, „სევილია“ და ბოლოს „რაიოსთან“. ასე რომ, მიუხედავად კრიშტიანოსადმი მადრიდისტების სტვენისა, მან ჩაატარა ერთ-ერთი უნიკალური თვე თავის კარიერაში.
პორტუგალიელი სუპერ ფეხბურთელი შეეცდება ასე გააგრძელოს აპრილის თვეშიც და სეზონის ერთ-ერთ ყველაზე გადამწყვეტ მომენტში დაეხმაროს გუნდს გატანილი გოლებით, რა თქმა უნდა იმ იმედით, რომ ტრავმა არ გაუღიზიანდება მარცხენა ფეხის მუხლზე...