[size=6] [color=grayhttp://s018.radikal.ru/i515/1403/67/08802dc98b7d.jpg] სამუელ ეტო'ო[/color] სამუელ ეტო'ო ფილსი დაიბადა 1981 წლის 10 მარტს. კამერონელი ფეხბურთელი ცენტრალური თავდამსხმელის პოზიციაზე თამაშობს და ახლა ლონდონის "ჩელსის" ღირსებას იცავს. მისი ოჯახისთვის ფეხბურთი უცხო არ იყო, სამუელის ძმები, დავიდი და ეტიენი ამ სპორტის მიმდევრები იყვნენ. იგი 11 წლის ასაკში, 1992 წელს მიაბარეს "Kadji Sports Academy"-ის და სწორედ აქედან დაიწყო მან პროფესიული ფეხბურთის შესწავლა.
მას, შესაძოა ითქვას, გაუმართლა, როცა 1997 წელს მადრიდის "რეალის" აკადემია დაინტერესდა მისით. ეს ნებისმიერი ფეხბურთელის ოცნება იყო, მაგრამ ყველაფერი ისე არ წარიმართა როგორც ფეხბურთელს და მის გულშემატკივრებს სურდათ. იმ დროისთვის კანტერაში უამრავი ნიჭიერი ფეხბურთელი იყო თავმოყრილი და ფაქტიურად ეტო'ო თამაშგარეთ აღმოჩნდა. სწორედ ეს იყო მიზეზი იმისა, რომ რეალში მხოლოდ სამი მატჩი ჩაატარა სამი წლის განმავლობაში. მას ყოველ წელს სხვადასხვა კლუბში ანათხოვრებდნენ. 1997 წელს ის" ლეგენესში" გაუშვეს, 1999 წელს "ესპანიოლში", ხოლო 2000 წელს "მალიორკაში". ამ უკანასკნელმა გამოისყიდა ფეხბურთელი და სამუელმაც 4 წელი დაჰყო მათ რიგებში. ამ 4 წლის მანძილზე მან 120 მატჩი ჩაატარა და 48 გოლი გაიტანა. მთლიანობაში "მალიორკას" რიგებში ერთი ტიტულის "კოპა დელ რეის" მოგება შეძლო(2003). ეს წარმოუდგენლად ეჩვენებოდა ბევრს, რადგან იმ დროს მადრიდის "რეალი" და ბარსელონა საოცარ ფეხბურთს თამაშობდნენ და ვერავის წარმოედგინა თუ ვინმე მათთვის ტიტულის წართმევას შეძლებდა.
ამ ყველაფრის შემდეგ ფეხბურთელისთვის "ოქროს ხანა" დაიწყო. მისი შესანიშნავი თამაში კატალუნიელებს შეუმჩნეველი არ დარჩენიათ და 2004 წელს 24 მილიონი ევროს სანაცვლოდ დაარწმუნეს "მალიორკა" გაეყიდათ ფეხბურთელი. მას შემდეგ ფეხბურთელმა ბრწყინვალე 5 წელი გაატარა "ბარსას" რიგებში, 145 შეხვედრა ჩაატარა და 108 გოლი გაიტანა, ალბათ დამეთანხმებით, რომ ეს დიდებული მაჩვენებელია. მან კატალონიელებთან ერთად 8 ტიტული მოიპოვა: 2 "ჩემპიონთა ლიგა", 3 "ლა ლიგა", 1 "კოპა დელ რეი" და 1 "სუპერკოპა".
მას ნამდვილად დიდებული პერიოდი ჰქონდა, მაგრამ ეს ყველაფერი დიდი დამცირების და შრომის ფასად დაუჯდა. იგი ხშირად იკიცხებოდა კანის ფერის გამო. ერთ-ერთი ცნობილი შემთხვევა 2005 წელს მოხდა, როდესაც "ბარსელონა" "ესპანიოლს" ესტუმრა. ამ შეხვედრაში მასპინძლების ფანები დასცინოდნენ კამერუნელს და მაიმუნს ადარებდნენ. მთელი თამაში უდიდესი სტრესის ქვეშ ჩაატარა კამერუნელმა. ამ მატჩის მსაჯმა, ფერნანდო კარმონა მენდესმა ეს შემთხვევა მნიშვნელოვნად არ მიიჩნია და მოხსენებაში ჩვეულებრივ ამბათ აღწერა.საბოლოოდ ამ საზარელ ფაქტზე ორი ადამიანი დააკავეს და 5 თვით ნებისმიერ სპორტულ ღონისძიებაზე დასწრება აუკრძალეს, მაგრამ ეტო'ო ასაჩივრებდა და იძახდა, რომ მინიმუმ ერთი წლით უნდა აეკრძალათ. საბოლოოდ რაიკაარდმა (ბარსას იმდროინდელმა მწვრთნელმა, რომელიც თავადად მუქკანიანი იყო) მოახერხა სამუელის დარწმუნება და უთხრა, რომ ფეხბურთზე უნდა გაემახვილებინა ყურადღება და ასეთი შემთხვევებისთვის ყურადღება არ უნდა მიექცია. ასეც მოიქცა ეტო'ო და მომდევნო წელს კვლავ განმეორდა იმავე კლუბთან რასისტული თავდასხმა, მაგრამ ფეხბურთელს ამისთვის ყურადღება არ მიუქცევია.
შესანიშნავი თამაშის მიუხედავად ფეხბურთელმა გადაწყვიტა კლუბი გამოეცვალა და 46 მილიონი ევროს სანაცვლოდ "ინტერში" გადავიდა. ამ კლუბს იმ პერიოდში ამბიციური მვრთნელი, ჟოზე მოურინიო ჩაუდგა სათავეში და დიადი მიზნებისკენ სწრაფვა დაიწყეს. გუნდი შესანიშნავად თამაშობდა და ამ ყველაფერში ეტო'ოს უდიდესი წვლილი შეჰქონდა. საბოლოოდ იტალიაში ორი წლის განმავლობაში 6 ჯილდო მოიგო, მათ შორის "ჩემპიონთა ლიგა" მოიპოვა, რასაც ბევრი უდიდეს მიღწევად თვლიდა ამ კლუბისგან.
30 წლის კამერუნელმა 2011 წელს გადაწყვიტა მიეტოვებინა იტალია და რუსეთში, კერძოდ კი "ანჟიში" გადავიდა. ბევრის აზრით ეს გადაწყვეტილება კამერუნელმა იმიტომ მიიღო, რომ კარიერის დასასრულს საბანკო ანგარიში საგრძნობლად გაეზარდა. ეს, ალბათ, სიმართლეცაა, წინააღმდეგ შემთხვევაში ჯერ კიდევ შესანიშნავად მოასპარეზ ფეხბურთელი უპერსპექტივო კლუბს არ მიაშურებდა. რუსეთში ყოფნის პერიოდში იგი მსოფლიოში ერთ-ერთ ყველაზე მაღალანაზღაურებად ფეხბურთელად ითვლებოდა.
საბოლოოდ სამუელმა გადაწყვიტა დიდ ფეხბურთში დაბრუნება და 2013 წელს 8 მილიონი ევრო სანაცვლოდ "ჩელსის" მიაშურა. იგი ახლა 33 წლისაა და მიუხედავად ამისა შესანიშნავად თამაშობს. "არისტოკრატების" რიგებში 19 შეხვედრაში 8 გოლის გატანა მახერხა მან. იგი უბრალოდ შეუდარებელი იყო, დიდი ტალანტი, რომელიც "რეალმა" სათანადოდ ვერ შეაფასა და ნამდვილი ბრილიანტი დაკარგა. ახლა კი ნახეთ და დატკბით მისი თამაშით მიმდინარე წელს, 33 წლის ასაკში.....
ვესლი სნეიდერი
ვესლი სნეიდერი დაიბადა 1984 წლის 9 ივნისს. ჰოლანდიელი ტალანტი შემტევი ნახევარმცველი გახლავთ. იგი საფეხბურთო ოჯახში იზრდებოდა. მისი მამა ფეხბურთელი იყო, ასევე ამ სპორტს მისდევდა მისი უფროსი ძმა ჯეფრი, ხოლო უმცროსი ძმა, როდნი ახლაც ასპარეზობს "ვალვიაკის" რიგებში. ალბათ, გასაკვირი არაა, რომ ასეთი ოჯახის შემხედვარე ვესლიმაც ფეხბურთელობა გადაწყვიტა. იგი ადრეული ასაკიდან თამაშობდა და 1991 წელს "აიაქსის" საფეხბურთო აკადემიაში ჩაირიცხა. აქ მან 10 წელი დაჰყო და შესანიშნავად თამაშობდა. იგი ძალიან ჭკვიანი იყო, შესანიშნავად ხედავდა მოედანს და თანაგუნდელებს ბრწყინვალე პასებით ამარაგებდა. ის დაუღალავად შრომობდა, ბევრს ვარჯიშობდა და ყოველთვის ბოლომდე იხარჯებოდა. ეს შეუმჩნეველი არ დარჩა "აიაქსის" ხელმძღვანელობას და 2001 წელს მისთვის პირველი გუნდის კარი გაიღო. სწორედ აქედან დაიწყო მისი პროფესიონალური კარიერა.
მან 5 წელი დაჰყო აქ და კიდევ უფრო განვითარდა. ექსტრა კლასის ფეხბურთელად ჩამოყალიბდა. მთლიანობაში 126 მატჩი ჩაატარა და 43 გოლიც გაიტანა, რაც ნამდვილად დიდებული მაჩვენებელია ამ პოზიციაზე მოასპარეზე ფეხბურთელისთვის. მთლიანობაში მან 7 ტიტულის მოგება მოახერხა "აიაქსის" რიგებში. მისი თამაში გულგრილს არავის ტოვებდა და უამრავი კლუბიც დაინტერესდა ახალგაზრდა ტალანტით, მაგრამ ამ "მარათონში" "რეალმა" იმარჯვა და 2007 წელს ფეხბურთელმა თეთრი მაისური მოირგო. მან 23 ნომრიანი მაისური დაისაკუთრა, რომელსაც მანამდე ბექემი ატარებდა. მისი დებიუტი "ლა ლიგაში" "ატლეტიკოს" წინააღმდეგ, დერბიში შედგა. ფეხბურთელმა შესანიშნავდ ითამაშა და მაშინვე მოიპოვა გულშემატკივრთა სიყვარული. პირველივე მატჩში მოახერხა გამარჯვების გოლის გატანა. ეს შესანიშნავი დასაწყისი იყო, მაგრამ გაგრძელება უკეთესი გამოდგა, მეორე მატჩში "ვილიარეალის" წინააღმდეგ მან დუბლი გაიფორმა, მათ შორის ერთი ულამაზესი საჯარიმო გაიტანა.
მან "რეალში" ორი წელი დაჰყო, 52 მატჩი ჩაატარა და 11 გოლი გაიტანა. მთლიანობაში მან ორი ტიტული მოიგო, 1 "ლა ლიგა" და 1 "სუპერკოპა". მიუხედავად შესანიშნავი თამაშისა ფეხბურთელს კარიერის გაგრძელება მადრიდში არ ეწერა. 2009 წლის 27 აგვისტოს სნეიდერი "ინტერმა" შეიძინა 15 მილიონი ევროს სანაცვლოდ. მან ზემოთხსენებულ ეტო'ოსთან ერთად შესანიშნავი დუეტი შექმნა. სნეიდერი ამარაგებდა, კამერუნელი კი აგვირგვინებდა. ჰოლანდიელი გუნდისთვის საკვანძო ფიგურად ჩამოყალიბდა, ნამდვილ ლიდერად იქცა. მოურინიოს თავი მალე შეაყვარა და პორტუგალიელი ახლაც ხშირად აღნიშნავს, რომ ვესლი მისი ერთ-ერთი უსაყვარლესი ფეხბურთელია. მთლიანობაში იტალიაში 4 წელი გაატარა, 76 მატჩი ჩაატარა და 13 გოლი გაიტანა. აქ მან უამრავი ჯილდოს მოგება მოახერხა,ალბათ ეს კლუბი საუკეთესოდ დარჩება მის მოგონებაში, რადგან სწორედ მათთან ერთად მოიგო 6 ტიტული. 1 "სერია A", 2 "კოპა იტალია", 1"სუპერკოპა იტალიანა", 1 "ჩემპიონტა ლიგა" და 1 კლუბებს შორის მსოფლიო ჩემპიონატი.
საბოლოოდ ვესლიმ "ინტერიც" დატოვა და 7.5 მილიონი ევროს სანაცვლოდ "გალათასარაის" მიაშურა. იგი ახლაც აქ ასპარეზობს და თურქული კლუბის საგრძნობლად განვითარებაში დიდი წვლილიც მიუძღვის. იგი ნახევარდაცვის ბურჯია და დიდიე დროგბასთან ერთად გუნდის ნამდვილი ხერხემალია. ფეხბურთელი ახლაც, 29 წლის ასაკში შესანიშნავად თამაშობს და თავის საქმეში ერთ-ერთი საუკეთესოა. მას გუნდურ ჯილდოებთან ერთად არაერთი ინდივიდუალური ტიტული აქვს მოპოვებული.
