მადრიდის "რეალი" არის კლუბი, რომელშიც მუდამ უამრავი ვარსკვლავია თავმოყრილი. ამათგან ზოგი კარიერის ბოლომდე მადრიდში რჩება, ზოგს კი წასვლა უწევს იმ მარტივი მიზეზის გამო, რომ აქ თავი ვერ დაიმკვიდრა, ან დაიჩრდილა სხვა, უფრო კაშკაშა ვარსკვლავის ფონზე.
დღეს სწორედ ასეთ ფეხბურთელებზე მსურს გესაუბროთ, ბოლო 15 წლის განმავლობაში დაკარგულ ბრილიანტებზე, ფეხბურთელებზე, რომლებიც პირადად ჩემს და, ალბათ, სხვა უამრავი მადრიდისტას მეხსიერებაში შემორჩნენ. ისინი "რეალის" დატოვების შემდეგ კიდევ დიდი ხანი თამაშობდნენ უმაღლეს დონეზე და ახლა უამრავი მადრიდისტა და შესაძლოა კლუბის ხელმძღვანელობაც ნანობს მათ გაშვებას. ზოგიერთი მათგანი დღესაც ასპარეზობს სხვადასხვა კლუბის მაისურით და ტიტულების მოგებით ტკბებიან, ზოგიერთმა კი კარიერა უკვე დაასრულა.
კლარენს ზეედორფი
კლარენს კლაიდ ზეედორფი დაიბადა 1976 წლის 1 აპრილს. კლარენსი საფეხბურთო ოჯახში იზრდებოდა, მისი ორი ძმა იურგენი და ჩიდრეკი ფეხბურთელები იყვნენ, ასევე ამ სპორტის მიმდევარი გახლდათ მისი მამა, იოჰან ზეედორფი, რომელიც საკმაოდ წარმატებული საფეხბურთო აგენტი გახდა კარიერის დასრულების შემდეგ.
კლარენსმა 6 წლიდან დაიწყო თამაში. მისი პირველი კლუბი "VV AS '80" გახლდათ. ერთი წლის თავზე კი იგი უკვე ახალ გუნდის, "Real Almere"-ს ღირსებას იცავდა. მაგრამ ამ კლუბებს განსაკუთრებული ზეგავლენა არ მოუხდენია კლარენსის უდიდეს პროფესიონალად ჩამოყალიბებაში.
მას ძალიან გაუმართლა, როცა "აიაქსი" დაინტერესდა მისით. ალბათ ყველასთვის ცნობილია, რომ "აიაქსის" საფეხბურთო აკადემია ერთ-ერთი საუკეთესოა, თუ საუკეთესო არა მთელ მსოფლიოში. 1984 წლიდან კლარენსი სწორედ მათ რიგებში ჩაირიცხა და 8 წელი იასპარეზა მათთან ერთად. იგი საოცარი ტექნიკით გამოირჩეოდა და მისი თამაშის შემხედვარე გულგრილი არავინ რჩებოდა. სწორედ ამან განაპირობა 1992 წელს მისი დებიუტი "აიაქსის" პირველი გუნდის რიგებში. მან შესანიშნავი 3 წელი გაატარა აქ და ამ სამი წლის განმავლობაში 6 ტიტული, მათ შორის ყველასათვის სანატრელი "ჩემპიონთა ლიგა" მოიგო.
მისი შეძენით უამრავი კლუბი იყო დაინტერესებული, მანაც გადაწყვეტილება მიიღო და 1995 წელს "სამპდორიას" მიაშურა. იტალიაში მან ერთი სეზონი დაჰყო, სწორედ ამ პერიოდში დაინტერესდა "სამეფო კლუბი" მისით. მანაც არ დააყოვნა და 1996 წელს თეთრი მაისური მოირგო. მან 4 სეზონი დაჰყო მადრიდში და ამ დროის განმავლობაში ულამაზეს ფეხბურთს აჩვენებდა, გუნდს ძალიან დიდ დახმარებას უწევდა. მარტივად შეეწყო კლუბს და პირველივე სეზონში დიდი როლი ითამაშა "ლა ლიგის" მოგებაში. მეორე სეზონში კი "ჩემპიონთა ლიგის" მოგებაში უდიდესი წვლილი შეიტანა, განსაკუთრებით ფინალურ მატჩში გამოირჩევოდა. "იუვენტუსის" წინააღმდეგ საოცარი მატჩი ჩაატარა და ღირსეულად მოიგო ეს ტიტული.
მისი ტამაში უბრალოდ საოცარი იყო,ბრწყინვალე ტექნიკა, ბრძოლისუნარიანობა, მოედნის იდეალური ხედვა, ეს მოლოდ მცირე ჩამონათვალია კლარენსის შესაძლებლობებისა. 4 წლის განმავლობაში მან 4 ჯილდოს მოგება მოახერხა: 1 "ლა ლიგა", 1 "სუპერკოპა", 1 "ჩემპიონტა ლიგა" და 1 კონტინენტთაშორისი ჩემპიონატი.
მიუხედავად მისი საოცარი თამაშისა, მაინც დადგა დრო, როცა "რეალმა" გაუშვა ზეედორფი. 2000 წელს იგი კვლავ იტალიას, კერძოდ კი "ინტერს" დაუბრუნდა 23 მილიონი ევროს სანაცვლოდ. აქ მან ორი წელი დაჰყო და შესანიშნავადაც ასპარეზობდა, მაგრამ ეს საკმარისი არ აღმოჩნდა ტიტულების მოსაგებად. ამიტომ კლარენსმა გადაწყვიტა "მილანში" გადასვლა. იგი "მილანის" რიგებში ათი წელი ირიცხებოდა (2002-20012) და თავი სამყაროს საოცარი თამაშით დაამახსოვრა. ამ 10 წლის მანძილზე იგი გუნდის ერთ-ერთ ლიდერად ჩამოყალიბდა და დიდ წარმატებასაც მიაღწია. მან 10 ტიტულის მოგება მოახერხა, მათ შორის 2 "ჩემპიონთა ლიგის".
კლარენსი დიდებული ფეხბურთელი იყო. მან 4-ჯერ მოახერხა "ჩემპიონთა ლიგის" მოგება 3 სხვადასხვა გუნდთან ერთად. ეს ნამდვილად საოცარია. ახლა კი იხილეთ და დატკბით მისი გასაოცარი თამაშით "რეალის" დატოვების შემდეგ:
კლარენსი დიდებული ფეხბურთელი იყო. მან 4-ჯერ მოახერხა "ჩემპიონთა ლიგის" მოგება 3 სხვადასხვა გუნდთან ერთად. ეს ნამდვილად საოცარია. ახლა კი იხილეთ და დატკბით მისი გასაოცარი თამაშით "რეალის" დატოვების შემდეგ:კიდევ დიდი ხანი თამაშობდნენ უმაღლეს დონეზე და ახლა უამრავი მადრიდისტა და შესაძლოა კლუბის ხელმძღვანელობაც ნანობს მათ გაშვებას. ზოგიერთი მათგანი დღესაც ასპარეზობს სხვადასხვა კლუბის მაისურით და ტიტულების მოგებით ტკბებიან, ზოგიერთმა კი კარიერა უკვე დაასრულა.
კლოდ მაკელელე
კლოდ მაკელელე სინდა დაიბადა 1973 წლის 18 თებერვალს. მისი მამა ფეხბურთელი იყო და კარიერა ბელგიაში დაასრულა. კლოდი ძალიან ადრეული ასაკიდან, 4 წლიდან თამაშობდა ფეხბურთს. მამა ყველაფერს აკეთებდა იმისთვის, რომ ბიჭი კარგ ფეხბურთელად გაეზარდა. მაკელელე 15 წლის ასაკში "US Melun"-ში ჩაირიცხა და 1 წელი დაჰყო ამ კლუბში. ამის შემდეგ კი დაიწყო მისი პროფსიონალური კარიერა. 1990 წელს გადავიდა "Stade Brestois B"-ში. ამ კლუბში 1 წელი გაატარა და შესანიშნავად ათამაშდა. ეს შეუმჩნეველი არ დარჩენილა "ნანტის" ხელმძღვანელობას და 1991 წელს კლოდმა საფრანგეთის პირველ დივიზიონში დაიწყო თამაში. "ნანტიში" მან შესანიშნავი 6 წელი გაატარა და საოცარ ფეხბურთს თამაშობდა. სწორედ ამ კლუბიდან დაიწყო მისი აღზევება. გუნდში უდიდეს შავ სამუშაოს ასრულებდა, მეტოქეთა შეტევების ჩაშლაში ბადალი არ ჰყავდა. 1997 წლამდე "ნანტის" ღირსებას იცავდა, ხოლო მომდევნო ერთი წელი საფრანგეთის ერთ-ერთი გრანდის, "მარსელის" რიგებში გაატარა. ამის შემდეგ კლოდმა გადაწყვიტა ესპანეთში გადმობარგებულიყო და 1998-2000 წლებში "სელტას" ღირსებას იცავდა. მისი თამაში შეუმჩნეველი არ დარჩენია დელ ბოსკეს და გადაწყვიტა მაკელელე "რეალში" გადმოეყვანა.
"რეალის" ხელმძღვანელობამ თავისი გაიტანა და 14 მილიონი ევროს სანაცვლოდ "სელტა" დაითანხმა კლოდის გაყიდვაზე. მომდევნო სამი წელი მან თეთრი მაისურით იასპარეზა. მას დიდებული ფეხბურთელების გვერდით უწევდა თამაში, ეს, რა თქმა უნდა, დიდი პასუხისმგებლობაა და რთულია თავის გართმევა, მაგრამ კლოდი სირთულეებს არ უშინდებოდა და შესანიშნავად გაართვა თავი თავისზე დაკისრებულ მოვალეობებს. 3 წლის განმავლობაში მან 7 ტიტული მოიპოვა კლუბთან ერთად: 2 "ლა ლიგა", 2 "სუპერ კოპა", 1 "ჩემპიონთა ლიგა", 1 უეფას "სუპერ თასი" და 1 კონტინენტთაშორისი ჩემპიონატი.
3 წლის განმავლობაში მოგებული 7 ჯილდო ნამდვილად საოცარი მაჩვენებელია. იგი კარგად მოერგო კლუბს, მაგრამ მაინც დადგა დრო, როცა უნდა დაეტოვებინა ის. მაკელელე 2003 წელს 16.8 მილიონი ევროს სანაცვლოდ "ჩელსიში" გადავიდა. აქ მან 5 წელი დაჰყო და შეიძლება ითქვას "ოქროს ხანა" სწორედ აქ ჰქონდა. ამ სიტყვას ტიტულების მოგების თვალსაზრისით კი არა, თამაშის ხარისხის გამო ვამბობ. იგი კიდევ უფრო განვითარდა ლონდონში, ჩამოყალიბდა და დაიხვეწა. მოურინიოსთვის ის ერთ-ერთ საკვანძო ფეხბურთელად იქცა. საოცარ ფეხბურთს თამაშობდა და 6 ტიტულიც მოიპოვა. როგორც აღმოჩნდა კლოდი არც "არისტოკრატების" რიგებში აპირებდა კარიერის ბოლომდე დარჩენას. გადაწყვიტა თავის სამშობლოში დაბრუნებულიყო და კარიერაც სწორედ იქ დაესრულებინა. 2008 წელს მაკელელე "პსჟ"-ს შეუერთდა და 2011 წელს კარიერაც აქ დაასრულა.
შესაძლოა ახლა ბევრმა დაიწყოს საუბარი იმაზე, რომ მაკელელე არ იყო ის ძვირფასი მარგალიტი, რომელიც დაკარგა მადრიდმა, მაგრამ ფაქტია, ის უბრალოდ დიდებული იყო. ზოგადად ასეთი ტიპის ფეხბურთელების ხიბლს და მნიშვნელობას ბევრი სწორად ვერ ხედავს და ეს დიდი შეცდომაა. იგი მთელ შავ სამუშაოს ასრულებდა კლუბში და ნამდვილად ერთ-ერთი უმნიშვნელოვანესი ფეხბურთელი იყო. ასე, რომ ვინც ნამდვილად იცის რა არის ფეხბურთი და სწორად აფასებს ფეხბურთელებს არ დამიწყებს კამათს მაკელელეს თამაშის მნიშვნელობაზე.
