თავიდან მან "რაიო ვალეკანოსთან" შეხვედრაში შეასრულა დუბლი და მატჩის საუკეთესო ფეხბურთელად დასახელდა. "ბორუსიასთან" მატჩში კი, ბენზემასა და კარვახალის კომბინაციის შემდეგ, სწორედ ბეილმა გახსნა ანგარიში.
მას დორტმუნდელთა კარის აღება 70–ე წუთზეც შეეძლო, მაგრამ ბურთი კარს ააცილა. ვინგერი მატჩიდან მატჩამდე აუმჯობესებს სტატისტიკას. ამჟამად, მის აქტივში 17 გოლი და 16 საგოლე გადაცემაა. ტრავმის გამო სეზონის წარუმატებლად დაწყების შემდეგ, ბეილმა თავისი ფორმა იპოვნა და ამას სტატისტიკაც ამტკიცებს.