დღეს მადრიდის "რეალი" გამართავს მატჩს "რაიოსთან". ეს მატჩი საუკეთესო საშუალებაა იმისათვის, რათა მოხდეს გუნდის რეაბილიტაციის პროცესი გულშემატკივრებთან და გუნდმა კვლავ შეძლოს ლა ლიგის "რბოლაში" დაბრუნება. მას შემდეგ რაც გუნდმა ბოლო 2 მატჩში 6 ბურთი გაუშვა, კარლო ანჩელოტი შეეცდება ამჯერად მშრალად შეინახოს კარი, რაც დაუბრუნებს დიეგო ლოპესს ადრინდელ თავდაჯერებულობას.
ცნობილი "ანჩელოტისეული ბალანსი" დაიმსხვრა მას შემდეგ, რაც გუნდმა ზედიზედ ორი მატჩი წააგო. გუნდმა გასულ კვირას დაანგრია ის, რასაც თვეების განმავლობაში აშენებდნენ, თუმცა ჩამორჩენა არც თუ ისე დიდია და "სამეფო კლუბს" აქვს შანსი აღმართოს რიგით 33 თასი ლა ლიგის ისტორიაში.