მთავარი » 2014»აპრილი»7 » დურმი: ""რეალს" ჩემპიონთა ლიგის მოგების კარგი შანსი აქვს"
16:56
დურმი: ""რეალს" ჩემპიონთა ლიგის მოგების კარგი შანსი აქვს"
გერმანიის 21-წლამდეთა ნაკრების ფეხბურთელი, ერიკ დურმი აღიარებს, რომ მადრიდის "რეალს" ჩემპიონთა ლიგის ნახევარფინალში გასვლის დიდებული შანსი აქვს, მაგრამ აცხადებს, ჩვენი გუნდი ნაადრევად დანებებს არ აპირებსო...
დურმის თქმით, "რეალს" ლიგის მოგების დიდი შანსი ექნება, თუ ორი მატჩის ჯამში დორტმუნდის "ბორუსიას" გაცდება და ნახევარფინალში შეაბიჯებს.
პრიმერა დივიზიონის ვიცე-ჩემპიონებმა პირველ თამაშში, "სანტიაგო ბერნაბეუზე" 3-0 იმარჯვეს და საპასუხო შეხვედრას კომფორტული უპირატესობით ეგებებიან, მაგრამ დურმს სჯერა, რომ მის გუნდს ყველაფრის თავდაყირა დაყენება ძალუძს...
"მადრიდის "რეალი" მუდამ ფავორიტთა შორისაა და გამონაკლისი არც მიმდინარე სეზონია".
"გასულ წელთან შედარებით, მათ უკეთესი გუნდი ჰყავთ. მათ ტურნირის მოგების დიდებული შანსი აქვთ, თუ ჩვენს გამოგდებას მოახერხებენ და შემდეგ ეტაპზე გავლენ".
"ყველაფრის შემობრუნება ურთულესი იქნება, მაგრამ ფეხბურთში ყველაფერი შესაძლებელია. საკუთარ კედლებში თამაში დიდი უპირატესობაა და ჩვენ "ქამ-ბექის" გასაკეთებლად ყველაფერს ვეცდებით".
"ჩვენ რობერტ ლევანდოვსკი დაგვიბრუნდა, რომელიც ძალიან დიდ ძალას წარმოადგენს. მისი დაბრუნებით ძალიან მოხარულნი ვართ. თუმცა, ის, რომ "ბერნაბეუზე" გოლის გატანა ვერ მოვახერხეთ, მხოლოდ რობერტის არყოფნას არ უნდა დაბრალდეს".
"რთულია იმის ახსნა, რა გავაკეთეთ პირველ თამაშში არასწორად. დიდებული შანსები გვქონდა, რომელიც გავანიავეთ. საპასუხო შეხვედრაში ბევრად კონცენტრირებულნი უნდა ვიყოთ. ყველაფერი შესაძლებელი იქნება, თუ სწრაფი გოლის გატანას მოვახერხებთ".
"პირველ თამაშში ბეილის შეჩერება ურთულესი იყო. ეჭვგარეშეა, რომ ის მსოფლიოს ერთ-ერთი საუკეთესო მოთამაშეა".
"მისი შეჩერება მხოლოდ ჩემი მოვალეობა არ იყო, მთელი ჩვენი გუნდი ცდილობდა როგორც ბეილის, ისევე "რეალის" დანარჩენი" ფეხბურთელების შეჩერებას."
აღსანიშნავია, რომ თავად დურმის დებიუტო "ბორუსიას" პირველ გუნდში გასული წლის აგვისტოში შედგა, როდესაც მისმა გუნდმა "აუსბურგი" 4-0 დაამარცხა. მას შემდეგ, ახალგაზრდა მცველმა ყველა ტურნირში 25 მატჩში მიიღო მონაწილეობა.