სეგუნდას დასრულებამდე 10 ტური რჩება, ხოსე მანუელ დიასის გუნდი კი 33–ე ტურში საკუთარ მოედანზე ლა–კორუნიის "დეპორტივოს" დაუპირისპირდება. თითოეულ ქულას ოქროს ფასი აქვს. მადრიდელებს სეზონში მე–12 გამარჯვების მოპოვება სურთ, მაგრამ არსებობს ერთი "მაგრამ" – "დეპორტივო" ძალიან ცოტა გოლს უშვებს. მათი კარის აღება 24–ჯერ მოახერხეს, ხოლო "კასტილიას" კარში უკვე 43 გოლი გავიდა.
ეს ის შეხვედრაა, რომლის მოგებასაც ყოველი მეტოქე მოისურვებს. "დეპორტივო" ჩემპიონატის ლიდერ "ეიბარს" მხოლოდ 1 ქულით ჩამორჩება. თავის მხრივ, "კასტილიას" გასავარდნი ზონიდან თავის დაღწევა სურს.
თამაში რთული იქნება, მაგრამ "კასტილიამ" სეზონის განმავლობაში დაამტკიცა, რომ პრობლემების შექმნა ნებისმიერი მეტოქისთვის შეუძლია. მადრიდელებმა ისეთი მეტოქეების დამარცხება მოახერხეს, როგორებიც "რეკრეატივო", "სარაგოსა" და "ტენერიფე" არიან.