"არაფერი არ მაწუხებს, ყველაფერი დასრულდა. მე მზად ვარ სათამაშოდ და ეს მიკელ სანჩესის დამსახურებაა. იგი მადრიდის "რეალის" ექიმია, რომელიც დამეხმარა და ფეხზე დროზე ადრე დამაყენა".
"რა თქმა უნდა, ეს სიმართლეა. მე ამ სეზონში არ უნდა მეთამაშა, მაგრამ ჯანმრთელი ვარ, არაფერი მაწუხებს და მწვრთნელს ამის შესახებ უკვე შევატყობინე. სამედიცინო შტაბი მეუბნება, რომ შემიძლია მინდორზე გავიდე და კვლავ ვითამაშო. მოხარული ვიქნები თუ მწვრთნელი ჩემი მეგობრების წინააღმდეგ თამაშის საშუალებას მომცემს, ყველაფერი მასზეა დამოკიდებული".
"დიახ, ეს ჩემი დამსახურებაც არის. მე თავდაუზოგავად ვშრომობდი რომ "რეალთან" მატჩში მზად ვყოფილიყავი, რადგან იქ არაერთი სეზონი გავატარე. მე ამ კლუბმა გამზარდა და მომცა ის, რასაც ფეხბურთის სიყვარული ჰქვია".
"დარწმუნებული ვარ, რომ ამ მატჩს კრიშტიანუ არ გამოტოვებს. პორტუგალიელი ძალიან მებრძოლი ფეხბურთელია და მისთვის ეს მატჩი საჭიროა. სიახლე არაფერია, ის კვლავ საუკეთესო ფეხბურთელია და ამაში ეჭვი ნამდვილად არ შემაქვს. მიუხედავად იმისა ითამაშებს თუ არა კრიშტიანუ, ჩვენ მაინც მოსაგებად ვითამაშებთ, რადგან ყველამ დაინახა, თუ რა შეგვიძლია".
"კარგად მესმის რომ ძალიან დაძაბული მატჩი იქნება, რომელიც არ გაჩერდეა. ეს იქნება მატჩი, სადაც შევერკინებით საუკეთესო კლუბს, მაგრამ ჩვენ უშანსოდ ნამდვილად არ ვართ. შეცდომები საკმარისად დავუშვით, "ჩემპიონთა ლიგის" საგზური გვსურს და ამის მოპება უნდა შევძლოთ".
"როგორც ჩაბი, ასევე ილარაც ამ სკოლის აღზრდილია. მახსოვს ალონსო, როდესაც მას "სოსიედადის" მაისური ეცვა, მას ნამდვილად ჰგავს ილარა რაღაცით, მაგრამ მაინც განსხვავდებიან ერთმანეთისგან. მესმის ასიერის, რთულია "რეალში" პირველივე სეზონში თავი გამოიჩინო და ძირითადი შემადგენლობის ფეხბურთელი გახდე".
"დიახ, მე ვესაუბრე ალონსოს, არბელოას და კასილასს, ისინი ჩემი მეგობრები არიან, წარმატება მისურვეს და იმედი გამოთქვეს რომ ხვალ მინდორზე მიხილავენ".
"რა თქმა უნდა, "რეალი" უშანსოდ არ არის და აქვს ჩემპიონობის საშუალება, მაგრამ მათ ქულები არ უნდა დაკარგონ "ანოეტაზე", ჩვენ კი ბოლომდე ვიბრძოლებთ, რადგან "ჩემპიონთა ლიგაზე" გვსურს თამაში. ჩვენ კარგად მოვემზადეთ ამ მატჩისთვის და დარწმუნებული ვარ ჩემი ყოფილი თანაგუნდელებიც ანალოგიურად, ამიტომ შესანიშნავი მატჩის მოლოდინში ვარ".