მთავარი » 2014»აპრილი»4 » გრანერო: "მსურს, ლა ლიგის ჩემპიონი "რეალი" გახდეს"
15:14
გრანერო: "მსურს, ლა ლიგის ჩემპიონი "რეალი" გახდეს"
ესტებანმა სექტემბერში საკმაოდ სერიოზული დაზიანება მიიღო, მაგრამ ეს-ესაა მომჯობინდა და ამბობს, თუ მწვრთნელი მიზანშეწონილად ჩათვლის, სათამაშოდ მზად ვარო.
"თავს კარგად ვგრძნობ და მზად ვარ მოედანზე გავიდე, თუ მწვრთნელი ასეთ გადაწყვეტილებას მიიღებს".
"როგორც ჩანს, კრიშტიანუ თავს კარგად გრძნობს და ჩვენს წინააღმდეგ იასპარეზებს. "ბლანკოსისთვის" ეს ძალიან მნიშვნელოვანია, რადგან ის მსოფლიო დონის ფეხბურთელია და შემადგენლობაში მისი ყოლა დიდი პრივილეგიაა".
გრანერომ ასევე განაცხადა, რომ პრიმერას ჩემპიონის რანგში მადრიდის "რეალის" ხილვა სურს, მაგრამ "ანოეტადან" "სამეფო კლუბისთვის" სამი ქულის გატანებაზე უარი თქვა. ისე კი, უნდა ითქვას, რომ ასეთ შემთხვევაში, მადრიდელების მდგომარეობა უაღრესად გაუარესდება.
შეგახსენებთ, რომ "სოსიედადსა" და "რეალს" შორის დაპირისპირება შაბათს, 5 აპრილს, თბილისის დროით 22:00 საათზე დაიწყება.