მთავარი » 2014»აპრილი»6 » ილიარამენდი: "ყველაფერს შესანიშნავად ვხვდები და არავის ვუბრაზდები"
15:03
ილიარამენდი: "ყველაფერს შესანიშნავად ვხვდები და არავის ვუბრაზდები"
ასიერ ილიარამენდი:
"დაუბრუნდე იმ სტადიონს, სადაც პროფესიონალური კარიერა დაიწყე, ენით აღუწერელ ემოციების იწვევს. ჩვენთვის მატჩი რთული გამოდგა, მაგრამ მეორე გოლმა ნამდვილად გვიხსნა. მეორე გოლის შემდეგ უფრო დამაჯერებლად ვმოქმედებდით. გოლის გატანა დიდი ხანია მსურდა. ყოფილ გუნდს გავუტანე. ზოგჯერ ასეც ხდება. გატანილი გოლის გამო მოხარული ვარ. გამარჯვებით მოხარულნი ვართ".
"სტვენა? ეს მოსალოდნელი იყო. მსგავს პროვოკაციას არ წამოვეგე და საკუთარი საქმის კეთება გავაგრძელე. ერთი მხრივ, ყველაფერი მესმის, არავის ვუბრაზდები, მაგრამ მეორე მხრივ, "რეალ სოსიედადისთვის" ყოველთვის ბოლომდე ვიხარჯებოდი. ვფიქრობ, მსგავსს არ ვიმსახურებდი. მადრიდის "რეალის" დონის გუნდში გადაბარგების შანსი გამომიჩნდა. არ შემეძლო ასეთი შანსი არ გამომეყენებინა. სან–სებასტიანი ყოველთვის ჩემი სახლი იქნება, ხოლო "რეალ სოსიედადი" – საფეხბურთო სახლი. სწორედ მან მომცა ასეთი შესაძლებლობა".
"საკმაოდ ცოტა მატჩი რჩება. დარჩენილი მატჩები რაც შეიძლება უკეთ უნდა ჩავატაროთ და იმედი დავიტოვოთ, რომ სხვები შეცდომას დაუშვებენ".
დიეგო ლოპესი:
""რეალ სოსიედადს" თავისი მომენტები ჰქონდა, მაგრამ მათი გამოყენება ვერ მოახერხა. მთლიანობაში, თამაშს ვაკონტროლებდით. გუნდმა შესანიშნავი სამუშაო ჩაატარა, კარგად იასპარეზა. დაცვაში საიმედონი ვიყავით, შეტევაში კი შედეგიანები. ეს შესანიშნავია".
"ამ ეტაპზე სამი ტურნირის მოსაგებად ვიბრძვით. ყველაზე მთავარი ისაა, რომ ჩემპიონთა ლიგის ნახევარფინალში გასვლის კარგი შანსი გვაქვს. ჩვენს სამუშაოს კარგად ვასრულებთ. იქ მოვიპოვეთ ქულები, სადაც "ბარსელონამ" დაკარგა. ეს კარგი მაჩვენებელია".
"ბევრს ვმუშაობ, ვცდილობ. ყველაფერს ვაკეთებ, მაგრამ ზოგჯერ უკეთ გამომდის, ზოგჯერ უარესად. ეს ფეხბურთია. ყოველთვის გუნდთან ერთად ვარ და ვცდილობ ამ კლუბის გამო სრულად დავიხარჯო".
ნაჩო ფერნანდესი:
"შესანიშნავად ვხვდებოდით, რომ რთული მატჩი გველოდა. ეს გამარჯვება დავიმსახურეთ. ამ სტადიონზე ბევრი გუნდი კარგავს ქულებს, მაგრამ ეს ჩვენ არ გვეხება. დღეს ვალდებულნი ვიყავით გამარჯვება მოგვეპოვებინა. სხვა გუნდებზე არ ვფიქრობთ. ჩვენ მადრიდის "რეალი" ვართ და ბრძოლას გავაგრძელებთ".
"კარის "მშრალად" შენახვა ჩვენთვის მნიშვნელოვანია. ამის გაკეთება ხშირად უნდა ვცადოთ. ყველაფერი შეიძლება შეიცვალოს. შეგვიძლია ერთ კვირაში პირველ ადგილზე აღმოვჩნდეთ. ეს ფეხბურთია. აქ სასწაულების ადგილია. ახლა კარგად ვასპარეზობთ. "ბორუსიას" წინააღმდეგ კარგად ვითამაშეთ. პრაქტიკულად, ნახევარფინალის საგზური გავინაღდეთ".
"ილიარამენდისთვის დღევანდელი მატჩი ძალიან მნიშვნელოვანი იყო. დღეს ის თავის მშობლიურ სტადიონზე მშობლიური კლუბის წინააღმდეგ სათამაშოდ გავიდა. მის გამო მოხარულნი ვართ, რადგან გოლის გატანა მოახერხა. გარეთ ბეილმა შესანიშნავი მატჩი ჩაატარა. გოლი გაიტანა, ძალიან სასარგებლო იყო და გუნდს ლიდერობდა. პირადად ჩემთვის, მნიშვნელობა არ აქვს, სად ვითამაშებ: მარჯვნივ თუ მარცხნივ. იქ ვითამაშებ, სადაც მწვრთნელი მეტყვის".
