მადრიდის რეალის ვებ-გვერდი

კარვახალმა UEFA.com -თან ინტერვიუ ჩაწერა...

დანიელ კარვახალმა, "რეალზე" ისაუბრა. მან განაცხადა, რომ ძალიან მოხარულია ჩემპიონთა ლიგაში დებიუტით, რომელიც თურქეთში, "გალათასარაის" წინააღმდეგ შედგა. მისი აზრით, ჩემპიონთა ლიგა საუკეთესო ტურნირია მსოფლიოში.

როგორ შეაფასებდით, თქვენს დაბრუნებას "ბლანკოსში"? 

" მე ყოველთვის ვიყავი ამბიციური და ვცდილობ, რომ ვარჯიშებზე 100%-ით დავიხარჯო, რათა მატჩს სრულყოფილი შევხვდე. ბედნიერი ვარ იმით, რომ "სანტიაგო ბერნაბეუზე" მიწევს თამაში. მწვრთნელი მენდობა და ეს კარგია. ალვაროს ტრავმამ ხელი შემიწყო, რომ საკუთარი თავი კარგად გამომეჩინა, ალბათ, კმაყოფილი უნდა ვიყო საკუთარი თამაშით."

რა დაგამახსოვრდათ, "გალათასარაისთან" მატჩში, რომელიც თქვენი დებიუტი გამოდგა ჩემპიონთა ლიგაზე?

"ეს ჩემი ოცნება იყო, ვოცნებობდი რომ მეც მომესმინა ჩემპიონთა ლიგის ჰიმნი. როდესაც იქ მდგომი, შენს თანაგუნდელებს გადახედავ და ჰიმნი ჩაირთვება, მემგონი საუკეთესო გრძნობაა ცხოვრებაში, ამ დროს ტანში ჟრუანტელი მივლის."

რომელ ფეხბურთელთან ისურვებდით თამაშს?

" ეს მიჩელ სალგადოა. ის საოცარი ვინმე იყო. მუდამ ვუყურებდი მის თამაშს მადრიდის "რეალში" და ეს ფეხბურთელი ძალიან შემიყვარდა."

როგორი გრძნობაა, როდესაც იმ კანტერაში ირიცხებოდით, სადაც ადრე რაული და კასილასი ასპარეზობდნენ?

" ეს ფეხბურთელები ლეგენდები არიან, "რეალი" უნდა ამაყობდეს ამ ადამიანებით. კანტერიდან ბევრი ფეხბურთელი დღეს პირველ გუნდში ღირსეულად ასპარეზობს. მაგალითად ავიღოთ ალვარო არბელოა, ხესე, მორატა და ნაჩო."

როგორ ფიქრობთ, დაიხვეწეთ გერმანიაში, როგორც ფეხბურთელი?

" რა თქმა უნდა. ბუნდესლიგაში საუკეთესო გარემოა, რათა გახდე კარგი ფეხბურთელი. იქ ყოფნა ძალიან დამეხმარა და ძალიან კარგი მოგონებები მაკავშირებს "ბაიერთან". ჩვენ ყოველთვის თავისუფლად ვთამაშობდით და ფეხბურთით ვტკბებოდით."

როგორ ფიქრობთ, რა არის ყველაზე მნიშვნელოვანი, რათა ჩამოყალიბდე კარგ ფეხბურთელად?

" ბევრი ვარჯიში. ეს დაეხმარება ახალგაზრდებს, მიაღწიონ მწვერვალებს. ვარჯიში არამარტო ფიზიკური, ასევე ფსიქოლოგიურიც. ყველა ფეხბურთელში არის რაღაც ღირებული და სწორედ ეს უნდა აღმოვაჩინოთ და ნელ-ნელა გავაღვივოთ. რა თქმა უნდა გენეტიკაც ძალიან მნიშვნელოვანია."