მთავარი » 2014»აპრილი»4 » კასილასი: "ეს ჩემს კარიერაში ერთ-ერთი კარგი სეზონია"
23:21
კასილასი: "ეს ჩემს კარიერაში ერთ-ერთი კარგი სეზონია"
"ეს ჩემი ერთ-ერთი საუკეთესო სეზონია. გუნდი ყველგან ფავორიტად მოიაზრება, მიუხედავად იმისა, რომ "ლა ლიგაში" მე-3 პოზიციას ვიკავებთ. ჩვენ უკვე აღვიდგინეთ ფორმა და ვგეგმავთ "ანოეტადან" 3 ქულის ჩამოტანას."
"მე 2 ტურნირში ვღებულობ მონაწილეობას და ეს სრულიად მაკმაყოფილებს. მინდა თავი საუკეთესოდ წარმოვაჩინო, რათა გუნდს ჩემი თამაში წაადგეს. უბედური ნამდვილად არ ვარ, მე ვთამაშობ კოპა დელ რეიზე, სადაც მორიგი "ელ კლასიკო" გველის, ასევე მონაწილეობას ვღებულობ ყველაზე პრესტიჟულ საკლუბო ტურნირში და საკმაოდ კარგი შედეგით მივიწევთ წინ."
"გუნდში არავინ ფიქრობს იმაზე, რომ "ატლეტიკო" ან "ბარსელონა" ქულებს დაკარგავენ. თუმცა ეს დიდად გაგვახარებდა. ჩვენ მადრიდის "რეალი" ვართ და მხოლოდ შემდეგ მატჩებზე ვაკეთებთ კონცენტრაციას. ჩვენთვის ყოველი მატჩი გადამწყვეტი მნიშვნელობისაა და ეს გარკვეულწილად გვეხმარება გამარჯვებაში."
"კრიშტიანუ ვერ მოახერხებს ხვალ თამაშს, მას დასვენება სჭირდება, რადგან გუნდში ყველაზე დატვირთული გრაფიკი აქვს. სერიოზული არაფერია და იგი კვლავ მოგვევლინება "ბორუსიასთან" მატჩში."
"პეპესა და ბუსკეტსის ინციდენტი? გუნდი პეპეს უჭერს მხარს. კადრებში ყველაფერი ჩანდა. ვფიქრობ ესპანელი არასწორად მოიქცა. როდესაც მისი ნახვის საშუალება მომეცემა, მე მას ყურს ავუწევ."
"ჩემი მომავალი ყველასათვის ნათელია. კონტრაქტი ამ კლუბთან მაკავშირებს და მის ამოწურვამდე არსად წასვლას არ ვაპირებ. ჩემი გული ყოველთვის ეკუთვნოდა "ბლანკოსს" და შემდეგშიც ასე იქნება."
"მსოფლიო ჩემპიონატს ყველა მოუთმენლად ელის. მიხარია, რომ ესპანეთის კაპიტანი ვარ. გუნდის, რომელმაც არავის დაუთმო ბოლო წლებში არც ევროპის და არც მსოფლიოს თასი. ბრაზილიაში წასვლის დღეებს მოუთმენლად ვითვლი."
