მთავარი » 2014»აპრილი»4 » კაზემიროს აგენტი: "ჩემი კლიენტი სხვა კლუბში გადაბარგებაზე არ ფიქრობს"
14:57
კაზემიროს აგენტი: "ჩემი კლიენტი სხვა კლუბში გადაბარგებაზე არ ფიქრობს"
კაზემიროს აგენტმა, ჯოზეფ ლიმ განაცხადა, რომ თავისი კლიენტი "სანტიაგო ბერნაბეუს" დატოვებას არ აპირებს. ბრაზილიელ ფეხბურთელს სჯერა, რომ მას "სამეფო კლუბის" მაისურით თავის გამოჩენის შანსი ისევ მიეცემა.
"ამ მომენტისათვის ჩემი კლიენტის თაობაზე სხვა კლუბებისგან შემოთავაზება არ მაქვს. ახლა აპრილია, რაიმე შეთანხმების მიღწევაზე საუბარი ადრეა. სატრანსფერო ფანჯარა ზაფხულში იხსნება. კაზემირო მადრიდის "რეალის" ფეხბურთელია. ის მხოლოდ თავისი კლუბის დახმარებაზე ფიქრობს. ამ საკითხს ზაფხულში დავუბრუნდებით" – განაცხადა ჯოზეფ ლიმ.
კაზემირო მოსამზადებელი ეტაპის ნამდვილი აღმოჩენა გახდა, მაგრამ ილიარამენდის კლუბში მოსვლის შემდეგ, მისი შანსები საგრძნობლად შემცირდა. მას სამი ხედირას ტრავმის ფონზეც კი არ ეძლევა სათამაშო დრო. სიტუაცია შესაძლოა ზაფხულში შეიცვალოს, როცა ბრაზილიელს გაყიდიან ან არენდით გაუშვებენ.