იტალიური პრესა ჟორჟე მენდეშის მილანში ჩასვლას გამოეხმაურა...
როგორც იტალიური პრესა იუწყება, შესაძლოა ზაფხულში ფაბიუ კოენტრაუ "როსონერიში" ვიხილოთ. როცა ფაბიუ "რაიოსთან" მატჩი ძირითადში დაიწყო, ამ დროს მისი აგენტი, ჟორჟე მენდეში მილანში იმყოფებოდა, სადაც როგორც პრესა იუწყება შეხვედრა ჰქონდა გალიანისთან.
ჟორჟე მენდეში არც ოპერატორებს გამორჩათ, როდესაც იგი "სან სიროზე" იმყოფებოდა "მილანი" - "კიევოს" მატჩზე. შესაძლოა მოლაპარაკებები შედგეს და ზაფხულში ფაბიუ კოენტრაუმ "მილანის" ფორმა მოირგოს.
გალიანი უარყოფს, რომ ფაბიუს აგენტი ფეხბურთელზე მოლაპარაკებისთვის ჩავიდა მილანში და განაცხადა, რომ ის უბრალოდ "მილანის" მატჩს დაესწრო.
შეგახსენებთ, რომ ფაბიუ კოენტრაო "რეალში" 2011 წლიდან ირიცხება, იგი "ბენფიკადან" გადმობარგდა 30 მილიონი ევროს სანაცვლოდ.