რეალმა" უფლება არ მისცა გერმანელებს, ეჩვენებინათ თავისი ფეხბურთი...
მადრიდის "რეალმა" ჩაატარა ძალიან საინტერესო და რთული მატჩი. მითუმეტეს "ბლანკოსს" ანგარიში ჰქონდა გასასწორებელი "ბორუსიასთან". გუნდმა კარგად დაიწყო, ბეილმა სწრაფი გოლი შეაგდო და გუნდი მე-3 წუთზე დააწინაურა. დასასრულს კი მორატას აქტიური თამაში ვიხილეთ. "თეთრებმა" უფლება არ მისცეს "ყვითლებს", რათა სწრაფი შეტევები განეხორციელებინათ, როგორც მათ სჩვევიათ.
ის ფაქტი, რომ გერმანელებს უჭირდათ მეტოქის ნახევარზე გადასვლა და მომენტის შექმნა, დიდი დამსახურებაა ნახევარდაცვისა და დაცვის, განსაკუთრებით კი გამოირჩეოდნენ პეპე და კარვახალი. მადრიდის "რეალი" ყველა ასპექტში შესანიშნავად გამოიყურებოდა. განსაკუთრებით აქტიურები იყვნენ ფლანგები. ისეთი აქტიური ფეხბურთელების არყოფნა, როგორებიც არიან მარსელო და დი მარია, დადებითი შედეგი აჩვენა. ამით უფრო დამტკიცდა, რომ რეალს შესანიშნავი სკამი ჰყავს.
ბენზემამ ვერ მოახერხა მეტოქის კარის აღება, თუმცა ის ძალიან აქტიური იყო და შეიძლება ითქვას, რომ პირველი გოლიც მისი გამომუშავებული იყო. თითქმის ყველა შეტევა ქარიმის მეთვალყურეობით მიმდინარეობდა. გარეთ ბეილი კი, ბოლომდე არ ადაპტირებულა გუნდთან, თუმცა ბრმაც კი დაინახავდა მის შოკისმომგვრელ შეტევებს. იგი ერთ-ერთ წამყვან ფეხბურთელად ჩამოყალიბდა.