მადრიდის რეალის ვებ-გვერდი

მადრიდის „ატლეტიკოს“ მწვრთნელმა, დიეგო სიმეონემ თავისი აზრი გამოთქვა „კოპა დელ რეის“ ფინალში გასამართ „ელ კლასიკოსთან“ დაკავშირებით: „ეს იქნება ექსტრაორდინალური და ძალიან საინტერესო მატჩი. ვერ ითამაშებს კრიშტიანო რონალდო, ტრავმირებულია პიკეც... „ბარსელონა“ არის ძალიან კონკურენტუნარიანი გუნდი, ხოლო მადრიდის „რეალი“ კრიშტიანო რონალდოს გარეშეც ძალიან ძლიერია, თუმცა ვფიქრობ, ფინალს „ბარსელონა“ მოიგებს.“

გარდა ამისა, სიმეონემ განაცხადა, რომ დიეგო კოშტა „ოქროს ბურთისთვის“ იბრძოლებს: „ის საკმაოდ დაიხვეწა, არის ძალიან მეამბოხე და მე მომწონს ეს, მისი განსხვავებული სტილი. იმედი მაქვს, არ შეწყვეტს გაუმჯობესებას, ეს მასზეა დამოკიდებული. დღესდღეობით, ის „ოქროს ბურთის“ კანდიდატებს შორის უნდა იყოს.“