მადრიდის "რეალის" პორტუგალიელი ფორვარდი კრიშტიანუ რონალდუ დღეს "ჩემპიონთა ლიგაში" თავის მეასე მატჩს ჩაატარებს. თუ დღეს კრიშტიანუ რონალდუ "სანტიაგო ბერნაბეუზე" იასპარეზებს, იგი 21-ე ფეხბურთელი გახდება, რომელმაც "ჩემპიონთა ლიგაში" 100 და მეტი მატჩი ჩაატარა. აქამდე ეს შედეგი პორტუგალიელებიდან მხოლოდ ლუიშ ფიგუს ჰქონდა, რომლის ანგარიშზეც 103 მატჩია.
შეგახსენებთ, რომ დღეს, 2 აპრილს "ჩემპიონთა ლიგის" მეოთხედფინალური შეხვედრა გაიმართება "რეალსა" და "დორტმუნდს" შორის, რომელიც სტარტს თბილისის დროით 22:45 აიღებს.
