1. თავიდან კლუბს "FC Sky" ერქვა და 1895-დან 1900 წლამდე მოქმედებდა. ბოლოსდაბოლოს იმდროინდელმა პრეზიდენტმა ჟულიენ პალასიოსმა უარი განაცხადა ამ სახელწოდებისგან და 1902 წლის 6 მარტს, თავად მიიღო მონაწილეობა მადრიდის "რეალის" შექმნაში.
2. "რეალის" პირველი ორი პრეზიდენტი კატალონიელი იყო. ჟოან პადროს რუბიო კლუბის პრეზიდენტი 1902-1904 წლებში იყო, რის შემდეგაც ის ძმამ - კარლეს პადროს რუბიომ შეცვალა (1904-1908).
3. პირველი ოფიციალური ტიტული "რეალმა" მხოლოდ 1905 წელს მოიგო, როცა სამეფო თასის ფინალში ბილბაოს "ატლეტიკი" დაამარცხა.
4. ალფრედო დი სტეფანო გუნდის პირველი ფეხბურთელი იყო, რომელმაც "პიჩიჩის" ტიტული მოიგო ზედიზედ ოთხჯერ (1956-1959). ჯამში დონ ალფრედომ ხუთი "პიჩიჩი" მოიპოვა.
5. მადრიდის "რეალი" ლა ლიგაში ერთადერთი კლუბია, რომელმაც ეს ტურნირი ზედიზედ ხუთჯერ მოიგო. ასეთი რამ ორჯერ დაფიქსირდა - 1961-65 და 1986-90 წლებში.
6. "რეალს" არასდროს (!) შეუსრულებია ტრიპლეტი (სამი ტიტული სეზონში), მაგრამ ექვსჯერ მოახერხა სეზონში ორი ტიტულის მოგება (ლა ლიგა + სამეფო თასი ან ლა ლიგა + ჩემპიონთა ლიგა).
7. კლუბის ისტორიაში საუკეთესო ბომბარდირი რაულია. მან 323 გოლი გაიტანა "სამეფო კლუბის" მაისურით, მათგან 228 ლა ლიგაში, რაც ასევე საკლუბო რეკორდია.
8. "რეალის" ყველაზე გამანადგურებელი მარცხი ლა ლიგაში "ესპანიოლისგან" (8:1) 1929-30 წლების სეზონში.
9. "რეალმა" ჩემპიონთა ლიგა 9-ჯერ მოიგო, ხოლო ყველაზე დიდი ანგარიშით ამ ტურნირზე მადრიდელებმა "ბოლდკლუბენომი" დაამარცხეს 1961-62 წლების სეზონში - 9:0.
10. კრიშტიანუ რონალდუმ ყველაზე სწრაფი ჰეთ-ტრიკი შეასრულა "რეალის" ისტორიაში. მან "სევილიას" კარში სამი გოლის გატანა 10 წუთში მოახერხა 2011 წლის მაისში.
11. "სამეფო კლუბმა" ლა ლიგაში ყველაზე დიდი ანგარიშით "ელჩეს" მოუგო - 11:2, 1960 წლის 7 თებერვალს, ხოლო კლუბის ისტორიაში ყველაზე დიდი ანგარიშით მოგება "ბარსელონასთან" დაფიქსირდა 1942-43 წლების სეზონში სამეფო თასის ნახევარფინალში - 11:1.
12. ფერენც პუშკაშმა 1959-60 წლების სეზონში, ჩემპიონთა ლიგაზე 12 გოლი გაიტანა, რაც საკლუბო რეკორდია.
13. პირველი "ელ კლასიკო" 1902 წლის 13 მაისს შედგა, როცა ამხანაგურ მატჩში "ბარსელონამ" "რეალი" 3:1 დაამარცხა.
14. 1961-1980 წლების პერიოდში, "რეალი" იმდენად ძლიერი იყო, რომ 20 სეზონში ლა ლიგის 14 ტიტული მოიგო. 1961-1990 წლებში ამ ციფრმა 19-ს მიაღწია.
15. მიგელ მუნიოსი - ყველაზე ხანგრძლივი პერიოდის განმავლობაში ედგა "რეალს" სათავეში. მან "სამეფო კლუბის" მწვრთნელის პოსტზე 15 წელიწადი გაატარა. 604 მატჩი ჩაატარა და 14 ტიტული მოიგო.
16. "რეალმა" ჩემპიონთა ლიგაზე კვალიფიკაცია 16-ჯერ გაიარა, ეს მეორე შედეგია ისტორიაში. პირველ ადგილზე "მანჩესტერ იუნაიტედია".
17. 1922 წლის 17 დეკემბერს, ხუან მონხარდინი "რეალის" ისტორიაში პირველი ესპანელი ფეხბურთელი გახდა, რომელმაც ესპანეთის ეროვნულ ნაკრებში ითამაშა. ფეხბურთელმა სრული მატჩი ჩაატარა პორტუგალიის ნაკრების წინააღმდეგ.
18. "რეალს" სამეფო თასის 18 ტიტული აქვს და მე-18 ტიტულისთვის გუნდს ლოდინი 18 წელიწადი მოუხდა - 1993 წლიდან 2001 წლამდე.
19. პირველი ოფიციალური "ელ კლასიკო" 1902 წლის 19 მაისს შედგა. მაშინ გუნდებმა თასის ნახევარფინალში ითამაშეს, "ბარსელონამ" კი 3:1 მოიგო, როგორც ექვსი დღით ადრე, ამხანაგურ მატჩში. ეს ასევე "სამეფო კლუბის" პირველი ოფიციალური მატჩი იყო.
20. "ფიფამ" "რეალი" XX საუკუნის საუკეთესო კლუბად დაასახელა. ეს პირველი და ჯერჯერობით უკანასკნელი კლუბია, რომელმაც ასეთი პრიზი მიიღო.
21. "რეალის" სულ პირველი მატჩი კლუბის წევრებს შორის შედგა. ერთი მხარე იყო ლურჯ ფორმებში, მეორე მხარე წითლებში. თუმცა, მთავარი ფერი მაინც თეთრი გახდა, რომელიც დღემდე ასეა.
22. "რეალმა" ჩემპიონთა ლიგის ნახევარფინალში 22-ჯერ იასპარეზა (როგორც ძველში, ისე ახალში), რაც ტურნირის რეკორდია.
23. დევიდ ბექჰემმა "რეალში" გატარებულ ოთხ სეზონში მხოლოდ ორი ტიტულის მოგება მოახერხა - პირველი ტიტული გახლდათ ესპანეთის სუპერთასი, როცა ის ახალი გადასული იყო კლუბში. მეორე კი ლა ლიგა, რომელიც დევიდმა თავის ბოლო მადრიდულ მატჩში მოიგო.
24. რაულის უკანასკნელი მატჩი "რეალში" 2010 წლის 24 აპრილს შედგა, როცა გუნდმა სტუმრად "სარაგოსა" 1:2 დაამარცხა, რაულმა კი მატჩში ანგარიში გაათანაბრა.
25. "რეალის" ფეხბურთელებმა კლუბის მთელ ისტორიაში 25 "პიჩიჩი" მოიგეს და ეს ტურნირის რეკორდია. პირველი ფეხბურთელი კლუბის ისტორიაში, რომელმაც ეს ტიტული მოიგო მანუელ ოლივარესი იყო, რომელმაც 1932-33 წლების სეზონში 14 მატჩში 16 გოლი გაიტანა.
26. "სამეფო კლუბი" ჩემპიონთა თასზე 26-ჯერ მონაწილეობდა, სანამ ამ ტურნირს ჩემპიონთა ლიგას დაარქმევდნენ.
27. 1953-54 წლების სეზონი პირველი იყო ალფრედო დი სტეფანოსთვის "რეალში". მაშინ მან ლა ლიგაში 28 მატჩში 27 გოლი გაიტანა.
28. ანხელ დი მარია "რეალის" პირველი ფეხბურთელია ისტორიაში, რომელმაც წითელი ფორმით პირველი გოლი გაიტანა. წარსულში წითელი ფერის ფორმა სამჯერ გამოიყენეს, მაგრამ "რეალს" ვერ გაჰქონდა გოლი დი მარიას გამოჩენამდე.
29. "რეალმა" წოდება "სამეფო კლუბი" 1920 წლის 29 ივნისს, მეფე ალფონსო XIII-სგან მიიღო.
30. ვისენტე დელ ბოსკემ "რეალის" სტრუქტურაში 30 წელი გაატარა. ფეხბურთელის რანგში მან 9 ტიტული მოიგო, მწვრთნელობისას კი შვიდი.
31. "რეალს" ამ დროისათვის ლა ლიგა 31-ჯერ აქვს მოგებული, რაც ტურნირის რეკორდია.
32. "რეალმა" პირველი ლა ლიგა 1932 წელს მოიგო. მადრიდელებმა ზედიზედ 9 მატჩი მოიგეს და 18 შეხვედრა არ წაუგიათ. "ატლეტიკს" სამი ქულით გაუსწრეს.
33. "რეალმა" თავისი პირველი მატჩი "სანტიაგო ბერნაბეუზე" (მაშინ სტადიონი ჯერ კიდევ "ჩამარტინის" სახელს ატარებდა) "ბელენენსეშის" წინააღმდეგ გამართა და 3:1 მოიგო. საბინო ბარინაგა გახდა ამ სტადიონზე პირველი გოლის ავტორი.
34. ალბერტო რივერა ყველაზე ახალაგზრდა ფეხბურთელია ისტორიაში, რომელსაც "რეალში" დებიუტი ჰქონდა. დებიუტის მომენტში ის 17 წლის და 114 დღის იყო. ამასთან ერთად, მან რაულის რეკორდი დაამხო, რომელსაც დებიუტი 17 წლის და 124 დღის ასაკში ჰქონდა. ამასთან ერთად, რივერა ყველაზე ახალგაზრდა ფეხბურთელია, რომელმაც "ბლანკოსის" რიგებში გოლი გაიტანა. ეს იყო 1955 წელს "სელტას" წინააღმდეგ სადებიუტო მატჩში.
35. სანტიაგო ბერნაბეუ კლუბის პრეზიდენტი ფაქტიურად 35 წელიწადი იყო. 1943 წლის სექტემბრიდან, 1978 წლის ივნისამდე. ამ დროის განმავლობაში, "რეალმა" 6 ჩემპიონთა თასი, 16 ლა ლიგა, 6 სამეფო თასი და 1 საკონტინენტთაშორისო თასი მოიგო. ასევე სწორედ ბერნაბეუთი დაიწყო კლუბის რეკონსტრუქცია, როცა მან ალფრედო დი სტეფანო შეიძინა.
36. სანტილიანა - კლუბის ისტორიაში მესამე ბომბარდირია. მან კარიერა 36 წლის ასაკში დაასრულა.
37. პირველი მატჩი "რეალმა" ჩემპიონთა თასზე 1955 წლის 8 სექტემბერს ჩაატარა, როცა "სერვეტი" 2:0 დაამარცხა.
38. "რეალის" ფორვარდმა უგო სანჩესმა ლა ლიგის ერთ სეზონში 38 გოლი გაიტანა. ეს მოხდა 1989-90 წლების სეზონში. ამდენივე გაიტანა 1950-51 წლების სეზონში "ატლეტიკის" ფორვარდმა ტელმო სარამ. 38-გოლიანი რეკორდი გასულ სეზონში კრიშტიანუ რონალდუმ დაამხო.
39. ფერენც პუშკაში ფაქტიურად 39 წლის იყო, როცა "რეალში" თამაშობდა და 1965-66 წლებში მნიშვნელოვან გოლებს იტანდა.
40. კრიშტიანუ რონალდუმ ლა ლიგაში ახალი რეკორდი დაამყარა ერთ სეზონში გატანილ გოლებში. 40 გოლი - ასეთია რონალდუს შედეგი.
41. თუმცა, ესპანური გამოცემა Marca რონალდუს 41 გოლს უთვლის "რეალ სოსიედადთან" გატანილი ჯარიმის ჩათვლით, როცა ბევრი მიიჩნევს, რომ გოლამდე ბურთი პეპეს შეეხო.
42. 2008 წელს "რეალმა" ბრაზილიელი რობინიო "მანჩესტერ სიტის" 42,5 მლნ. ევროდ მიჰყიდა. ეს ყველაზე ძვირადღირებული გაყიდვაა კლუბის ისტორიაში.
43. პირველი ჩემპიონთა თასი "რეალმა" 1956 წლის 13 ივნისს მოიგო, როცა ფინალში 4:3 დაამარცხა "რეიმსი".
44. ზუსტი დრო - ზინედინ ზიდანმა 2002 წლის ჩემპიონთა ლიგის ფინალში ლევერკუზენის "ბაიერის" კარი დალაშქრა - 44 წუთი, 36 წამი.
45. 2002 წელს ბრაზილიელი რონალდო 45 მლნ. ევროდ გადაბარგდა "რეალში", მსოფლიო ჩემპიონატის შემდეგ.
46. ჟოზე მოურინიო 46-ე მწვრთნელია "სამეფო კლუბის" ისტორიაში.
47. ფერენც პუშკაშმა 1959-60 წლების სეზონში, 38 მატჩში 47 გოლი გაიტანა. კლუბის ისტორიაში საუკეთესო შედეგი ერთ სეზონში.
48. მადრიდის "რეალის" პირველი ოფისი მაღაზია "Al Capricho" იყო.
49. ბოლო გოლი რაულმა "რეალის" რიგებში 49-ე წუთზე "სარაგოსას" წინააღმდეგ გაიტანა (1:2). ეს მატჩი ასევე უკანასკნელი იყო "ელ კაპიტანოსთვის".
50. ემილიო ბუტრაგენიოს 1980 წლიდან ლა ლიგის ზედიზედ 50 მატჩში არ წაუგია. ეს კლუბის რეკორდია.
51. მადრიდის "რეალი" - მსოფლიოს საკლუბო ჩემპიონატის პირველი მფლობელია ისტორიაში. მაშინ გუნდმა "პენიაროლი" 5:1 დაამარცხა 1960 წელს.
52. "რეალის" ერთ-ერთი ზედმეტსახელია - "Los Merengues". ასე კლუბს თეთრი ფორმის გამო შეარქვეს, როცა შთაბეჭდილება იქმნებოდა, რომ ფორმა შექმნილი იყო ციყვის კვერცხისგან. ეს ფორმა გაყიდვაში ესპანეთის მაღაზიებში 1917 წლის 3 იანვარს გამოვიდა.
53. კრიშტიანუ რონალდუმ 2010/11 წლების სეზონში 53 გოლი გაიტანა.
54. "რეალმა" უეფას ტურნირებზე 56 შესაძლებლობიდან 54-ჯერ გაიარა კვალიფიკაცია. მხოლოდ 1977-78 და 1996-97 წლებში ვერ შეძლო კვალიფიცირება.
55. 1955 წელს კლუბის ხელმძღვანელობამ გადაწყვიტა სტადიონისთვის "სანტიაგო ბერნაბეუ" დაერქმიათ, კლუბის პრეზიდენტის საპატივცემულოდ.
56. მანამდე სტადიონი "ჩამარტინის" სახელწოდებას ატარებდა, მაგრამ ეს არ არის ორიგინალური დასახელება. სტადიონის ყველა სახელწოდების ჩამონათვალი: the Velodromo de Ciudad Lineal, O'Donnell, Desmontes de Moncloa, La Estrada, Explanada de la Plaza de Toros и Hipodromo..
57. ლუიშ ფიგუმ "რეალში" ასპარეზობისას, 239 მატჩში 57 გოლი გაიტანა ყველა ტურნირზე. "ბარსელონაში" მან 259 მატჩში 45 გოლი გაიტანა.
58. 80 სეზონში "რეალმა" 2534 მატჩი ჩაატარა ლა ლიგაში. მათგან 58,2% გამარჯვების მომტანი აღმოჩნდა. 5285 გოლი იქნა გატანილი, 2915 გაშვებული.
59. "ბერნაბეუმ" უმასპინძლა ევრო-64-ს, 1982 წლის მსოფლიო ჩემპიონატის ფინალს, 1957, 1969 და 1980 წლებში მასპინძლობდა ევროპის ჩემპიონთა თასის ფინალს და 2010 წელს ჩემპიონთა ლიგის ფინალს.
60. 2000 წელს ლუიშ ფიგუ "რეალში" 60 მლნ. ევროდ გადაბარგდა. ის "ბარსელონადან" "რეალში" გადასული მე-15 ფეხბურთელია. პირველი ალფონსო ალბენისი იყო.
61. "რეალმა" თავისი მეორე გუნდი "კასტილია" 6:1 დაამარცხა სამეფო თასის ფინალში.
62. მესუთ იოზილმა "რეალში" გადასვლის შემდეგ წელიწადნახევრის განმავლობაში, ნომერი ოთხჯერ შეცვალა. გადასვლისთანავე მას 26 ნომერი გადაეცა, შემდეგ 19, უიღბლო ნომერი, შემდეგ იყო 23, რომელიც რაფაელ ვან დერ ვაარტის შემდეგ გათავისუფლდა და 2011/12 წლების სეზონში მან 10-ნომრიანი მაისური მოირგო.
63. "რეალი" ესპანეთის ჩემპიონატის პირველი გუნდი იყო, რომელმაც ლიგის მოგების შემდეგ, ტიტულის შემდეგ წლებშიც დაცვა მოახერხა (1931-32, 1932-33).
64. რონალდო ისტორიულად შევიდა ცვლილებაზე. 2002 წლის ოქტომბერში, ბრაზილიელი მოედანზე 64-ე წუთზე შევიდა, გაიტანა ორი გოლი, მისმა გუნდმა კი "ალავესი" 5:2 დაამარცხა.
65. ახლანდელი პრეზიდენტი ფლორენტინო პერესი, რომელსაც 8 მარტს 65 წელი შეუსრულდა, კლუბის იუბილედან ორი დღის შემდეგ, ერთადერთია, რომელმაც აღნიშნა დაბადების დღე კლუბის იუბილეს შემდეგ, ალფონსო მელენდესის გარდა.
66. 1966 წელს "რეალმა" ჩემპიონთა თასი მოიგო. ეს იმით გახდა დასამახსოვრებელი, რომ გუნდის ოთხი ესპანელი ჯგუფ "Beatles"-ის სტილში ჰქონდა თმა. მთავარ როლებში იყვნენ ამანსიო ამარო, პაჩინი, პირი და მანოლო სანჩისი. ამიტომ მიიღეს მათ სახელწოდება Ye-Ye, რაც წარმოდგა ამ ჯგუფის სიმღერიდან "She Loves You' (yeah yeah yeah)".
67. მატჩის 67-ე წუთზე პრედრაგ მიატოვიჩმა გაიტანა გოლი და ანგარიში 1:0 გახადა. ეს გოლი განსაკუთრებული აღმოჩნდა, რადგან ჩემპიონთა ლიგის ფინალში, "იუვენტუსის" კარში იქნა გატანილი. ეს ჩემპიონთა ლიგის ტიტული მეშვიდე გამოდგა კლუბის ისტორიაში. აღსანიშნავია, რომ იმ მომენტამდე "სამეფო კლუბი" ამ ტიტულის მოგებას 32 წელიწადია ვერ ახერხებდა.
68. 163 "კლასიკოდან" "რეალმა" 68 მოიგო, 64 წააგო და 31 ფრედ დაასრულა.
69. ამანსიო ამარომ 1969 წელს "პიჩიჩის" პრიზი მოიგო, გაიტანა 14 გოლი.
70. ფერნანდო მორიენტესი "რეალის" ჯერჯერობით უკანასკნელი ფეხბურთელია, რომელმაც ერთ მატჩში ხუთჯერ გამოიჩინა თავი ("რეალი"-"ლას-პალმასი" 7:0, 2002 წელი).
71. რაულმა მთელ კარიერაში ჩემპიონთა ლიგაზე 71 გოლი გაიტანა, მათგან 66 "რეალის" მაისურით.
72. "რეალმა" არსებობის დღიდან 72 ტიტული მოიგო, შემდეგი ტურნირები: ესპანეთის ჩემპიონატი, ესპანეთის თასი, ესპანეთის სუპერთასი, ევროპის ჩემპიონთა თასი / ჩემპიონთა ლიგა, უეფას თასი, უეფას სუპერთასი, საკონტინენტთაშორისო თასი.
73. "რეალმა" "აინტრახტის" წინააღმდეგ 7:3 გაიმარჯვა ევროპის ჩემპიონთა თასის ფინალში 1959/60 წლების სეზონში. ეს მოგება დაეხმარა "ბლანკოსს" ზედიზედ მეხუთედ მოეგო აღნიშნული ტიტული.
74. ზინედინ ზიდანი 74 მლნ. დოლარად იქნა შეძენილი. ეს ტრანსფერი ისტორიაში მეორე ადგილზეა ღირებულებით.
75. ზიდანი "იუვენტუსში" 1996 წელს გადაბარგდა, მას შემდეგ, რაც ტურინელებმა ჩემპიონთა ლიგა მოიგეს. შემდეგ "ზიზუ" ამ ტურნირის ორ ფინალში მონაწილეობდა, რომლებიც წააგო. სამაგიეროდ "რეალში" 2002 წელს გახდა ჩემპიონთა ლიგის გამარჯვებული.
76. ჟოზე მოურინიოს ერთი გამარჯვება აკლია. 77 საუკეთესო შედეგია "რეალის" ისტორიაში პროცენტული მაჩვენებლებით.
77. იკერ კასილასი ერთადერთია, რომელმაც "გალაქტიკოსის" რიგებშიც იასპარეზა და ახლანდელშიც თამაშობს. ამ დროის განმავლობაში მან მოიგო: ლა ლიგა, ესპანეთის თასი, ჩემპიონთა ლიგა, საკონტინენტთაშორისო თასი, უეფას სუპერთასი, ესპანეთის სუპერთასი. ასევე ევროპისა და მსოფლიოს ჩემპიონი გახდა ესპანეთის ნაკრებთან ერთად.
78. "რეალის" ყოფილი ფლეიმეიქერი გუტი, 2007-08 წლებში მაისურზე წარწერა "Guti.Haz"-ს ატარებდა. "Haz" ნიშნავს: 1. "H" ნიშნავს მის გვარ ერნანდესს (Hernandez), 2. "A" ვაჟიშვილის სახელი აიტორი (Aitor), 3. "Z" ქალიშვილის სახელი ზარა (Zara).
79. 2010 წელს "რეალი" ერთადერთი გუნდი გახდა, რომელმაც "Deloitte"-ს მონაცემებით, სეზონის ბოლოს 400 მლნ. ევრო გამოიმუშავა.
80. "ატლეტიკოსთან" 146 მატჩიდან "რეალმა" 80 მოიგო, 35 წააგო და 31 ფრე ითამაშა.
81. 81-ე სეზონია, რაც "რეალი" ლა ლიგაში ასპარეზობს. ერთადერთი კლუბია ესპანეთში "ბარსელონასა" და ბილბაოს "ატლეტიკთან" ერთად, რომელმაც ეს მოახერხა.
82. 2009 წლის 5 დეკემბერს, მატჩის 82-ე წუთზე კრიშტიანუ რონალდუმ "ალმერიას" მეკარე დიეგო ალვეშის გაცურება ვერ მოახერხა. ეს უკანასკნელი შემთხვევა იყო, როცა კრიშტიანუმ ვერ გაიტანა პენალტი. მას შემდეგ რონალდუმ ზედიზედ 21 პენალტი გამოიყენა. რონალდ კუმანის რეკორდზე ოთხით ნაკლები.
83. 1982-83 წლებში, ალფრედო დი სტეფანოს ხელმღვანელობით, "რეალმა" ყველა ტურნირზე მე-2 ადგილი დაიკავა.
84. 1984-85 წლების სეზონში, "რეალმა" 9-მატჩიანი მოუგებელი სერია ჩაატარა ლა ლიგაში, რაც ყველაზე ცუდი შედეგია კლუბის ისტორიაში.
85. წელს "რეალს" ლა ლიგის 25 ტურის შემდეგ 85 გოლი აქვს გატანილი, საშუალოდ მატჩში 3,4 გოლი. თუ ასე განაგრძობენ, ლა ლიგაში 129 გოლი დაუგროვდებათ.
86. "ბარსელონას" წინააღმდეგ 217 ოფიციალურ მატჩში "რეალმა" 86 მოიგო, 85 წააგო და 46 ფრედ დაასრულა. "ბლანკოსმა" გაიტანა 364 გოლი, გაუშვა 351.
87. 1987-88 წლების სეზონში, "რეალმა" საკლუბო რეკორდი დაამყარა. 19 საშინაო მატჩიდან 18 მოიგო. 2009/10 წლებში რეკორდი განმეორდა.
88. კაკამ წელს 30 მატჩი ჩაატარა, სადაც 11 საგოლე გადაცემა გააკეთა, რაც მისი საუკეთესო შედეგია "სამეფო კლუბში" გადმოსვლის დღიდან.
89. მიგელ მუნიოსმა გაიტანა პირველი გოლი "რეალის" რიგებში ევროპის ჩემპიონთა თასზე. საუკეთესო ბომბარდირად ალფრედო დი სტეფანო ითვლება.
90. ჩაბი ალონსო ყველაზე ძვირადღირებული ესპანელი ფეხბურთელია, რომელიც "რეალმა" შეიძინა. მასში "ბლანკოსმა" 30 მლნ. ევრო გადაიხადა. სერხიო რამოსი მადრიდულ გრანდში 27 მლნ. ევროდ გადაბარგდა.
91. ლა ლიგის 88 მატჩში 96 გოლი - კრიშტიანუ რონალდუს ლა ლიგაში შედეგიანობის მხრივ რეკორდი აქვს. საშუალოდ 1,9 გოლი მატჩში. მეორე ადგილზეა ტელმო ზარა - 0,91 გოლი მატჩში.
92. თავისი დაუმარცხებლობით ცნობილ ჟოზე მოურინიოს, ჩემპიონატებში საკუთარ მოედანზე 9 წელიწადი და 2 თვე არ ჰქონდა წაგებული. თუმცა, 2011 წლის 2 აპრილს ხიხონის "სპორტინგმა" შეაჩერა ეს სერია. მათ 0:1 მოიგეს "სანტიაგო ბერნაბეუზე".
93. "რეალი" საკუთარ მოედანზე 9 სეზონი დაუმარცხებელი იყო, უფრო ზუსტად 121 მატჩი. 1956-1957 წლებიდან 1964-65 წლებამდე.
94. მადრიდის "რეალმა" კრიშტიანუ რონალდუ "მანჩესტერ იუნაიტედიდან" რეკორდულ თანხად - 94 მლნ. ევროდ შეიძინა.
95. ალფრედო დი სტეფანო - ლა ლიგის ისტორიაში ყველაზე გამოყენებადი ფეხბურთელი. ხუთ სეზონში მან 171 მატჩი ჩაატარა და ზედიზედ 148 გოლი გაიტანა.
96. მანუელ პელეგრინიმ კლუბის ახალი რეკორდი დაამყარა. "რეალმა" ლა ლიგაში 96 ქულა დააგროვა, მაგრამ ეს საკმარისი არ გამოდგა ჩემპიონობისთვის.
97. 1997-98 წლების სეზონში, "რეალმა" ლა ლიგაში რეკორდი დაამყარა. ზედიზედ 7 მატჩი ნულზე ითამაშა.
98. ფერენც პუშკაშმა და კარლოს სანტილიანამ, ყველაზე შედეგიანი დუეტი შექმნეს და რეკორდი დაამყარეს. თითოეულმა ერთ სეზონში 49-ჯერ გამოიჩინა თავი.
99. 1999 წლის სექტემბერში, იკერ კასილასის პირველ გუნდში დებიუტი შედგა. მან ბოდო ილგნერი შეცვალა ("ატლეტიკი"-"რეალი" 2:2).
100. 100 წლის იუბილეზე, "რეალმა" სამეფო თასის ფინალში მარცხი განიცადა ლა-კორუნიის "დეპორტივოსგან".
101. არტურ ჯონსონმა გაიტანა პირველი გოლი "რეალის" ისტორიაში, მაგრამ მაშინ, 1902 წლის 13 მაისს, მისი გუნდი "ბარსელონასთან" 1:3 დამარცხდა. კლუბის მე-1000 გოლი პაინიომ გაიტანა, ხენტო მე-2000 გოლის ავტორი გახდა, ხუანიტომ საიუბილეო - 3000 გოლს დაუდო საფუძველი, ივან სამორანომ მე-4000 გოლი შეაგდო, ხოლო გუტიმ მე-5000.
102. აპარტმა გაიტანა პირველი გოლი კლუბის ისტორიაში.
103. 2011 წლის 23 სექტემბრიდან, 2011 წლის 7 დეკემბრის ჩათვლით, "რეალმა" ყველა ტურნირზე ზედიზედ 15 გამარჯვება მოიპოვა, რის შედეგადაც 1960-61 წლების რეკორდი დაემხო.
104. მიუხედავად იმისა, რომ სანტიაგო ბერნაბეუ 1943-დან 1978 წლამდე იყო კლუბის პრეზიდენტი, მწვრთნელის რანგში გუნდს მხოლოდ 8-ჯერ უთავკაცა. მოიგო 5 და წააგო 3 მატჩი.
105. კრიშტიანუ რონალდუს მხოლოდ 105 მატჩი დასჭირდა ოფიციალურ მე-100 გოლამდე.
106. ლუის მოლოვნი "სამეფო კლუბის" მწვრთნელად ოთხჯერ იქნა დანიშნული.
107. ჯონ ტოშაკის მწვრთნელობით, "რეალმა" 1989-90 წლების სეზონში ლა ლიგაში 107 გოლი გაიტანა.
108. ალფრედო დი სტეფანოს პირველი მწვრთნელობის ვადა "რეალში" 1982-დან 1984 წლამდე თარიღდება. მან 63 მატჩი მოიგო, 23 ფრედ დასრულდა და 22 წააგო.
109. დი სტეფანო "სამეფო კლუბს" 1990 წლის ნოემბერში დაუბრუნდა, მაგრამ 1991 წლის მარტში წავიდა. ლა ლიგაში მეორე ადგილზე გავიდა და ასევე ესპანეთის სუპერთასი მოიგო.
110. კლუბმა 110-ე იუბილე "ბარსელონასთან" 10-ქულიანი უპირატესობით და ლა ლიგაში ზედიზედ 10 მოგებით აღნიშნა.