მოგეხსენებათ, შაბათს „რაიოსთან“ მატჩისას „სანტიაგო ბერნაბეუზე“ კრიშტინოს მიმართ სტვენა გაისმა, რასაც დიდი აჟიოტაჟი მოჰყვა პრესაში. ორშაბათს დილით კი, მადრიდისტების ერთ-ერთმა ფედერაციამ კრიშტიანოს ღია წერილით მიმართეს, უთხრეს თუ რას წარმოადგენს ეს ადამიანი მათთვის და აღიარეს, რომ ვინც დაუსტვინა, ცუდად მოიქცა.
ჩვენს ძვირფას კრიშტიანო რონალდოს: გასულ შაბათს, თქვენ „სანტიაგო ბერნაბეუს“ სტადიონზე, რომელზეც გადიხართ სიამაყით, დიდი ენთუსიაზმით და დიდი მიზნებით, გაიგეთ სტვენა თქვენს მიმართ. მადრიდისტების ფედერაციას კი სურს, რომ ნათელი გავხადოთ ყველაფერი: 1. თქვენ წარმოადგენთ მადრიდის „რეალის“ ყველა ღირებულებას: ძალისხმევას, თავდადებას, მსხვრელპლს და ერთგულებას. 2. ჩვენ ვიყავით და ვიქნებით ყოველთვის თქვენს მხარეს უპირობოდ, რადგან ვიცით, რომ თქვენ ხართ საგანგებო მნიშვნელობის ჩვენ გუნდისთვის და ჩვენი კლუბისთვის. 3. შაბათს ღამით ამ ხმაურის მიზეზი იყო ის, რომ თქვენგან ჩვენ მადრიდისტები უფრო მეტს მოველით, თუმცა ამით შესაძლოა სახელი შეგველახა თქვენთვის და შესაბამისად გუნდისთვის.
ეჭვგარეშეა ჩვენი სიყვარული გუნდის მიმართ, თუმცა შესაძლოა რომელიმე ჩვენთაგანმა ჩვენი გრძნობები გამოვხატოთ და მადრიდის „რეალის“ გარეთ ამან არასწორი ინტერპრეტაცია მიიღოს. გვინდა იცოდეთ, რომ თქვენ ხართ გუნდის სიამაყე, ჩვენი გუნდის სპორტსმენი, ანუ ჩვენი ოჯახის წევრი.