მადრიდის რეალის ვებ-გვერდი

"რეალს" მშვენიერი მეტოქე შეხვდა ჩემპიონთა ლიგის 1/4 ფინალში, თუმცა მოგვიწევს გავიხსენოთ წინა წლის ნახევარფინალი. დღე, რომელიც დორტმუნდელთა გულშემატკივრებს არასდროს დაავიწყდებათ. მაშინ ყველაფერი სხვაგვარად იყო, მატჩის გმირი - რობერტ ლევანდოვსკი, სპორტული ჟურნალ-გაზეთების პირველ გვერდზე იყო აღბეჭდილი. მაგრამ... "სამეფო კლუბი" მზადაა შურისძიებისთვის.

დორტმუნდის "ბორუსიამ", ასე ვთქვათ პირველივე მატჩში მოაგვარა ყველაფერი "ბლანკოსთან", თუმცა "სანტიაგო ბერნაბეუზე" გერმანელებს ცივი ოფლის ქვეშ მოუწიათ თამაში. გერმანელებმა პირველივე მატჩში ჩაფუშეს მოურინიოსა და ზოგადად, მადრიდელთა გეგმები. შურისძიებას ისკო ალარკონიც შეეცდება, რომლის "მალაგა", სწორედ ამ გუნდმა გამოაგდო 1/4 ფინალიდან.

მადრიდელთა მთავარი მიზანი იქნება გაიტანოს მინიმუმ 2 ბურთი მეტოქის კარში და შეეცადოს უკან არ მიიღოს. "რეალის" დაცვა საკმაოდ დიდი დატვირთვით ვარჯიშობს ამ მატჩისთვის, რადგან არ დაივიწყოთ, რომ "თეთრებმა" 4 ბურთი მიიღეს საკუთარ კარში, რამაც დიდი პრობლემები მოუტანა გუნდს.

პირველ მატჩს 2 აპრილს ვიხილავთ "სანტიაგო ბერნაბეუზე", ხოლო განმეორებითი მატჩი კი გაიმართება 8 აპრილს, "სიგნალ იდუნა პარკზე".