“რეალის” მწვრთნელმა, კარლო ანჩელოტიმ ნახევარმცველი ლუკა მოდრიჩი იმ 20 ფეხბურთელს შორის შეიყვანა, რომლებიც ესპანეთის ჩემპიონატის 31-ე ტურის ეგიდით “რაიო ვალეკანოსთან” გასამართი მატჩისთვის ემზადებიან, ავრცელებს ინფორმაციას უეფას ოფიციალური საიტი.
გუშინდელი სავარჯიშო სესია ხორვატმა შუახაზელმა გრიპის სიმპტომების გამო გამოტოვა. მაგრამ, “რაიოსთან” მატჩში მოდრიჩის მონაწილეობასთან დაკავშირებით საბოლოო გადაწყვეტილებას ანჩელოტი მაინც შეხვედრის წინ მიიღებს.
ცნობისთვის, “სამეფო კლუბის” ლაზარეთში რჩებიან: სამი ხედირა, ალვარო არბელოა და ხესე – სამივე მათგანს მუხლის ტრავმა აქვს.