გასულ სეზონში "მალაგა" დაუპირისპირდა "დორტმუნდს" "ჩემპიონთა ლიგაზე" და ორი მატჩის ჯამში 4-3 დამარცხდა. ესპანეთში თამაში 1-1 დასრულდა, ხოლო გერმანიაში 2-1 -ს იგებდა ესპანური კლუბი, მაგრამ საბოლოო ჯამში მაინც დამარცხდნენ, დამატებით წუთებზე გერმანელებმა ორჯერ აიღეს "მალაგას" კარი. პელეგრინის გუნდი ახლოს იყო შემდეგ ეტაპზე გასვლასთან, მაგრამ ოცნება ოცნებად დარჩა.
ამ თამაშში მონაწილეობას ისკოც იღებდა. მან შესანიშნავი მატჩი ჩაატარა და საგოლე პასი გააკეთა. მეორე გოლი "მალაგამ" სწორედ მისი გადაცემით გაიტანა, მაგრამ მისი გაწეული დიდებული სამუშაო საკმარისი არ აღმოჩნდა შემდეგ ეტაპზე გასასვლელად.
მიმდინარე წელს ისკოს რევანშის შანსი მიეცა "რეალთან" ერთად. პირველი თამაში "თეთრებმა" 3-0 იმარჯვეს. ეს თამაში ისკომ შესანიშნავად ჩაატარა და ძალიან ლამაზი გოლიც გაიტანა ვაიდენფელერის კარში. ახლა ახალგაზრდა ესპანელს სურს კიდევ ერთხელ გაიბრწყინოს და კვლავ დაამარცხოს "ბორუსია". ასე, რომ მას დიდი მოტივაცია აქვს თამაშის წინ და ყველანაირად ეცდება სასურველი შედეგის მიღწევას.