მთავარი » 2014»მარტი»29 » პეპე: დარჩენილია თამაშები რომლებსაც სატურნირო მდგომარეობის გამოსწორება შეუძლიათ
19:00
პეპე: დარჩენილია თამაშები რომლებსაც სატურნირო მდგომარეობის გამოსწორება შეუძლიათ
მადრიდის "რეალის" მცველი პეპე აცხადებს, რომ მისი გუნდი არ ჩამოშორებულა ჩემპიონობისთვის ბრძოლას, მიუხედავად იმისა, რომ ბოლო ორ მატჩში უარყოფით შედეგს მიაღწიეს.
შეგახსენებთ, რომ "სამეფო კლუბმა" ჯერ "ბარსელონასთან" დათმო შეხვედრა (3:4), ხოლო შემდეგ "სევილიასთან" დამარცხდა (1:2).
ამ რეზულტატებმა "რეალი" პირველი ადგილიდან მესამე ადგილამდე ჩამოაქვეითა. ამჟამად კარლო ანჩელოტის გუნდი "ბარსელონას" ორი, ხოლო "ატლეტიკოს" სამი ქულით ჩამორჩება.
"რა თქმა უნდა,სევილიასთან გამარჯვება გვესაჭიროებოდა. ახლა დავალება ცოტათი გართულდა, მაგრამ წინ კიდევაა დარჩენილი ტურები, რათა სიტუაცია გამოვასწოროთ. დღეს არც თუ ისე ძლიერ მეტოქესთან გვაქვს ჭიდილი, საიდანაც აუცილებლად უნდა მოვიპოვოთ სამი ქულა. ჩემპიონობის შანსი არ დაგვიკარგავს, რადგან ჩვენს მთავარ მეტოქეებს წინ არც ტუ ისე სუსტ გუნდებთან აქვთ ჭიდილი,საიდანაც შესაძლოა ქულები დაკარგონ. "ჯერ კიდევ მაღლა ვართ ცხრილში. ამიტომ ბოლოდე გავუწევთ მეტოქეობას "ბარსელონასა" და "ატლეტიკოს". სევილიამ ორიდან ორივე შანსი გამოიყენა და ამიტომაც გაიმარჯვეს. ჩვენ კი მომენტების რეალიზაციით თავს ვერ მოვიწონებთ,"–განაცხადა პორტუგალიელმა ფეხბურთელმა.