მთავარი » 2014»აპრილი»5 » პირველი ფინალი შვიდიდან: შემდეგი გაჩერება "ანოეტა"
17:41
პირველი ფინალი შვიდიდან: შემდეგი გაჩერება "ანოეტა"
მადრიდის "რეალს" შეცდომის უფლება არ აქვს...
"ბორუსიასთან" კარგი მატჩის შემდეგ გუნდი "ლა ლიგაში" ბრუნდება. რთული მდგომარეობის გამო, ყოველი მატჩი ფინალის ტოლფასია გუნდისთვის. პირველი ფინალი კი "ანოეტაზე" გაიმართება. ანჩელოტის შეგირდები შესანიშნავად გამოიყურებიან ევროთასებზე. ახლა "ლა ლიგის" ჯერია. გუნდისთვის ერთი წაბორძიკებაც სავალალო იქნება.
ბოლო მატჩი "ლა ლიგაში", "თეთრებმა" საკუთარ მოედანზე ჩაატარეს "რაიო ვალეკანოს" წინააღმდეგ. მათ 5-0 იმარჯვეს და ახლა ეცდებიან მორიგი გამარჯვება ჩაიწერონ აქტივში. მოგეხსენებათ, "ანოეტა" არასტუმართმოყვარე სტადიონია. ამ სტადიონზე "ბასკებმა" კატალონიელებს 3-1 სძლიეს. თუმცა, "რეალი" შეეცდება ყველაფერი გააკეთოს იმისათვის, რათა 3 ქულა მოიპოვოს. პირველი მატჩი ამ გუნდებს შორის 5-1 დამთავრდა "სანტიაგო ბერნაბეუზე".
ანჩელოტის განკარგულებაში 20 ფეხბურთელია. აქედან 2 ახალწვეული: უილიან ხოსე და მედრანი. საეჭვოა დი მარიას თამაში, რომელმაც ავადმყოფობის გამო "ბორუსიასთან" მატჩი გამოტოვა. გუნდს არ ეყოლება კრიშტიანუ რონალდუ. ასე, რომ გუნდი გარკვეული დანაკლისით ხვდება მატჩს. "ბასკებს" კი დააკლდებათ ვეტერანი კაპიტანი ჩაბი პრიეტო, რომელმაც ტერფის ტრავმა მიიღო ვარჯიშის დროს.
"რეალ სოსიედადი" მე-6 ადგილს იკავებს პრიმერაში, სადაც 50 ქულა დაუგროვდა. "ბასკების" ამოცანა იმაში მდგომარეობს, რომ ცდილობენ მიუახლოვდნენ "ჩემპიონთა ლიგის" ზონას, ამიტომ ეს მატჩი მათთვისაც საკმაოდ დიდი მნიშვნელობისაა. იაგობა არასატეს ასევე შესაძლოა დე ლა ბელაც არ ეყოლოს, თუმცა მის განკარგულებაში არიანი ანტუან გრიზმანი და კარლოს ველა, რომლებიც კარგ სეზონს ატარებენ გუნდში.
