პორტუგალიელი ფეხბურთელი უკვე მერვედ (მიმდინარე სეზონში) დააკლდება თანაგუნდელებს, თუმცა აღსანიშნავია, რომ განვლილ 7 შემთხვევაში, მადრიდელებმა მის გარეშეც შესანიშნავი შედეგები დააფიქსირეს - 6 მოგება და 1 ფრე.
პირველი ტრავმა, რონალდუმ 23 ნოემბერს, „ალმერიასთან“ შეხვედრაში მიიღო.მან მომდევნო 2 დაპირისპირება გამოტოვა, სადაც „თეთრებმა“ ჯერ 4-1 ძლიეს „გალათასარაის,“ ხოლო შემდეგ, ბეილის ჰეთ-თრიქის წყალობით, 4 უპასუხო გოლი შეუგდეს „ვალიადოლიდს.“
თებერვლის თვეში, კრიშტიანუს 3 პაექრობის გამოტოვება თამაშგარეში ყოფნა მოუწია დისკვალიფიკაციის გამო, თუმცა ანჩელოტის შეგირდებს არც მაშინ დატყობიათ მეგა-ვარსკვლავის უქმობა - 4-2 „ვილიარეალთან,“ 0-3 „ხეტაფესთან“ და 3-0 „ელჩესთან.“
ამათ გარდა, „ელ ფერარი“ ისვენებდა „კოპა დელ რეის“ სადებიუტო მატჩებში „ხატივასთან.“
ნიშანდობლივია, რომ ჩამოთვლილ შემთხვევებში, რონალდუს დანაკლისის შევსებას ხესე ცდილობდა, რომელიც ასევე ლაზარეთში იმყოფება.რა იქნება „ანოეტაზე,“ არავინ იცის, რამეთუ კრიშტიანუს პოტენციური შემცვლელის არყოლის გამო, ანჩელოტის გარკვეული ექსპერიმენტი ჩატარება მოუწევს.