მარკო როისი მტკიცედ აცხადებს, რომ მის გუნდს ხელი არ ჩაუქნევია და სასწაულის იმედი ჯერ კიდევ აქვთ.
დორტმუნდელებმა "ჩემპიონთა ლიგის" განმეორებითი მატჩი უნდა ჩაატარონ საკუთარ მოედანზე "რეალის" წინააღმდეგ, შეგახსენებთ, რომ ისინი პირველ მატჩში 3-0 დამარცხდნენ.
მათ 12 თვის წინ მოახერხეს და მადრიდელები 4-1 დაამარცხეს საკუთარ მოედანზე. მათ ახლაც აქვთ იმედი, რომ იმავეს გაკეთებას კვლავ შეძლებენ. "ბუნდესლიგის" ბოლო ტურში მათ მოახერხეს "ვოლფბურგის" დამარცხება და შესანიშნავი "ქამბექი" შემოგვთავაზეს.
როისი, რომელმაც გამარჯვების გოლი გაიტანა მეტოქის კარში მიიჩნევს, რომ მათ საკმარისიო ამბიცია აქვთ ნახევარფინალში გასასვლელად.
"ჩვენ არ დავნებდებით. თუ ვითამაშეთ ისე, როგორც "ვოლფსბურგთან" პირველ ტაიმში, მაშინ სასურველი შედეგის მიღწევა გაგვიჭირდება, ხოლო თუ ვითამაშეთ ისე, როგორც მეორე ტაიმში, მაშინ ყველაფერი შეიძლება მოხდეს. რთული იქნება, მაგრამ ჩვენი შესაძლებლობების მაქსიმუმს გავიღებთ სასურველი შედეგის მისაღწევად" - განუცხადა როისმა დორტმუნდელების ოფიციალურ საიტზე.
"ვოლფსბურგი" ოლიჩმა დააწინაურა და პირველი ნახევარი მათი გამარჯვებით დასრულდა, მაგრამ მეორე ტაიმის დაწყებიდან 6 წუთის შემდეგ წონასწორობა ლევანდოვსკიმ აღადგინა, ხოლო გამარჯვების გოლი როისმა გაიტანა.
მარკოს გოლის დროს მეკარემ სერიოზული შეცდომა დაუშვა, მაგრამ როგორც იუწყებიან კიპერის შეცდომის შემდეგ როისს ბურთი ხელზე მოხვდა და მხოლოდ ამის შემდეგ შეძლო გოლის გატანა.
"მაშინაც კი, თუ ბურთი ხელზე შემეხო არაფერი შევლილა. მთავარია რომ გავიტანე და სამი ქულა მოვიპოვეთ".
"ეს შესანიშნავი გოლი იყო, ამას მატჩის დროსაც ვამბობდი და ახლაც ვიტყვი".