გასული წლის აგვისტოში, 14 წლის დევიდ პავლაშჩიკს, ველოსიპედით სეირნობისას მანქანა დაეჯახა. ბიჭუნა კომაში ჩავარდა და ექიმები თავიანთ პროგნოზებში გადარჩენის შანსებს არ იძლეოდნენ.
ბავშვის მშობლებმა საბავშვო გამოსაჯანმრთელებელ ცენტრს მიაკითხეს, რომლის სპეციალისტებმაც 15 დღეში მოახერხეს ახალგაზრდის მძიმე კომიდან გამოყვანა. იქამდე, ექიმებმა მშობლებს, იზაბელა და დარიუშ პავლაშჩიკებს ურჩიეს, რომ ბავშვს შეუქმნან ისეთი ატმოსფერო, რომელში ყოფნაც მას ყველაფერზე მეტად სიამოვნებს. დედ-მამამ საავადმყოფოში მიიტანეს დევიდის პერსონალური ნივთები, რომლებზეც გამოსახული იყო "რეალის" გერბი და ბავშვს მუდამ პორტუგალიის ნაკრებისა და "სამეფო კლუბის" თამაშებს ურთავდნენ ჩანაწერში.
2013 წლის 18 ნოემბერს, 3-თვიანი კომის შემდეგ, დევიდმა თვალები გაახილა მას შემდეგ, რაც რონალდუმ შვედეთის ნაკრების კარი მუნდიალის შესარჩევი ეტაპის პლეი-ოფის შეხვედრაში დალაშქრა.
მას შემდეგ, რაც პოლონურმა გაზეთმა "Fact" გაავრცელა ეს ისტორია, რონალდუმ დევიდი მშობლებთან ერთად "სანტიაგო ბერნაბეუზე" მიიწვია "რეალისა" და "დორტმუნდის" თამაშზე დასასწრებად. პავლაშჩიკმა თავისი თვალით იხილა, როგორ გაიტანა მისმა კუმირმა ლიგის მე-14 გოლი, შემდეგ კი კრიშტიანუს პირადად შეხვდა. რონალდუმ დევიდთან სურათები გადაიღო და აჩუქა მაისური, რომლითაც გასულ მატჩში მიიღო მონაწილეობა. საპასუხოდ, ბიჭუნამ პორტუგალიელს თეთრ-წითელი შარფი უსახსოვრა.
ინფორმაციის წყარო: Eurosport
