ესპანეთის დროით დღეს, „ლა ლიგის“ 31-ე ტურში, მადრიდის „რეალი“ „რაიო ვალეკანოს“ დაუპირისპირდება, გუნდს, რომელთანაც მშვენიერი მოგონებები აკავშირებთ კრიშტიანო რონალდოსა და კარიმ ბენზემას, რადგან მათ ერთად, „რაიოს“ კარი 10-ჯერ აქვთ დალაშქრული.
10 გოლიდან 7 კრიშტიანო რონალდოს, ხოლო 3 კარიმ ბენზემას აქვთ გატანილი. პირველად მათ „რაიოს“ კარი 2011/12 წლების სეზონში დალაშქრეს, როდესაც „სამეფო კლუბმა“ მოწინააღმდეგე 6-2 გაანადგურა, კრიშტიანომ ჰეთ-თრიკი შეასრულა, ხოლო კარიმმა 1 გოლი გაიტანა. იმ თავი გამოიჩინა ასევე იგუაინმა და სადებიუტო გოლი გაიტანა რაფაელ ვარანემ.
