ნური შაჰინის გადმოსვლა მადრიდის "რეალში", შეიძლება ერთ-ერთი ყველაზე ცუდი ტრანსფერი იყო ბოლო 5 წლის განმავლობაში. თურქი ფეხბურთელი 2011 წელს გადმოვიდა "სამეფო კლუბში", თუმცა ცოტამ თუ იცის იმის შესახებ, რომ ეს ფეხბურთელი "რეალს" ეკუთვნის. იგი რამოდენიმე წელია ასპარეზობს დორტმუნდის "ბორუსიაში" არენდით და დღეს იგი კვლავ დაუპირისპირდება თავის ყოფილ გუნდს. იგი გუნდში ხაბი ალონსოს შემცვლელად მოიყვანეს, თუმცა ის ბოლომდე ვერ გაიხსნა.
მან გადმოსვლისთანავე გამოტოვა 17 მატჩი ტრავმების გამო. ჟოზე მოურინიომ კი ამის შემდეგ მას ბევრჯერ მისცა შანსი, თუმცა თურქმა კარგი თამაში ვერ აჩვენა და მოურინიო იძულებული გახდა ნურისთვის ახალი კლუბი მოეძებნა. იგი თავიდან "ლივერპულში" აღმოჩნდა. მიუხედავად იმისა, რომ მას გაჰქონდა და საგოლე პასებსაც არიგებდა, იგი არ შედიოდა როჯერსის გეგმებში და ამის შემდეგ იგი ისევ თავის მშობლიურ დორტმუნდში წავიდა.
"ბორუსიაში" კი იგი კარგად გამოიყურება. მან ისარგებლა ილკაი გიუნდოგანის ტრავმით და მოედანზე უკვე 3430 დაჰყო. შეიძლება ითქვას, რომ ის კმაყოფილია თავისი თამაშით. მას მოუწევს , რომ დაუმტკიცოს "სანტიაგო ბერნაბეუს" მისი ტალანტი.
