მთავარი » 2014»აპრილი»4 » შეგუებული გერმანული და "დაბოღმილი" კატალონიური პრესა
15:47
შეგუებული გერმანული და "დაბოღმილი" კატალონიური პრესა
"დორტმუნდი დაიხრჩო" - ასეთი სათაური გამოვიდა ყოველდღიური გაზეთის, "Bild" - ის მორიგი ნომერი. "სანტიაგო ბერნაბეუს" სურათის ქვეშ წარწერა იყო: "საპასუხო შეხვედრის წინ უშანსოდ". მატჩის შესახებ დაწერილი ინფორმაციებიდან შესაძლოა იმაზე ფიქრო, რომ "რეალმა" ნახევარფინალში გასვლის საკითხი პირველივე თამაში მოაგვარა და დორტმუნდში საპასუხო შეხვედრა უბრალოდ ფორმალობაა.
"ახლა დორტმუნდის მაგიური ღამის ლოდინს აზრი აღარ აქვს: ახლა ზეიმი "მადრიდშია", მარტო მარკო როისი კი "სამეფო კლუბის" დამარცხებისთვის საკმარისი არ არის" - წერენ "Bild" - ის იმედგაცრუებული გერმანელი ჟურნალისტები.
ჟურნალი "Kicker" საკუთარ მოსაზრებებში ასეთი კატეგორიული არ არის, მაგრამ აღიარებს, რომ "რეალის" ბარიერის დაძლევას "ბორუსია" მხოლოდ უდიდესი გამართლებისა და სასწაულის დახმარებით შეძლებს. მათი აზრით, ახლა დორტმუნდელებს ჰერაკლესის გმირობის ჩადენა მოუწევთ:
"გასულ სეზონში "დორტმუნდი" "რეალს" საპასუხო შეხვედრაში 0-2-ს მიუხედავად გაცდა, მაგრამ მაშინ კლოპის შეგირდებს საშინაო გამარჯვება (4:1) ჰქონდათ ჯიბეში. ახლა კი , საპასუხო შეხვედრის წინ, "ბორუსია" არასახარბიელო მდგომარეობაშია: სამწუხაროა, რომ ერთი გოლის გატანაც ვერ მოხერხდა - საამისო მომენტები იყო. მეტოქის მოედანზე გატანილი გოლი შემდეგ ეტაპზე გასვლის კარგ შანსს დატოვებდა. ასე კი...".
ესპანურმა პრესამაც არ დაიწყო იმის უარყოფა, რომ "რეალი" უკვე ერთი ფეხითნახევარფინალშია. ასე, "AS"-ის მორიგი ნომერი შემდეგი სათაურით გამოვიდა: "ნახევარფინალი ძალიან ახლოსაა". მადრიდული გამომცელობით ჟურნალისტები, "ბორუსიასთან" მატჩის განხილვისას აღნიშნავდნენ იმ ფაქტის მნიშვნელობას, რომ "თეთრებმა" საკუთარი კარის მშრალად შენახვა მოახერხეს:
"ბეილის, ისკოსა და კრიშტიანუს გოლებმა "რეალის" უპირატესობა გამოააშკარავეს, გერმანული გუნდის რიგებში კი ხიფათს მხოლოდ მარკო როისი ქმნიდა, მაგრამ მასთან გამკლავება მადრიდული გრანდის მცველებმა, რომელთა რიგებში განსაკუთრებით კარგად ასპარეზობდა პეპე, მოახერხეს".
"Marca"-მ, რომლის ახალი ნომერი ასეთი სათაურით გამოვიდა - "უძლიერესის კანონი", დაწერა:
""რეალმა" შარშანდელ დამამწუხრებელს უპასუხა და ისეთ შედეგს მიაღწია, რომლითაც გერმანიაში ჩასვლა მშვიდად შეიძლება. ამ მატჩში განსაკუთრებით საიმედოდ იასპარეზა პეპემ, იკერ კასილასმა კი კარის მშრალად შენახვა მოახერხა. გარდა ამისა, კარგად და დამაჯერებლად გამოიყურებოდნენ ისკო და გარეთ ბეილი. კრიშტიანუმ სეხვედრა მისთვის ჩვეულ, უმაღლეს დონეზე ჩაატარა".
კატალონიური გაზეთები უფრო მეტად "ბარსას" მიმართ FIFA-ს მხრიდან გამოყენებული სანქციებით იყვნენ დამწუხრებულნი, მაგრამ "სამეფო კლუბის" მეოთხედფინალური ტრიუმფისთვის გვერდის ავლა მაინც არ შეეძლოთ. ასე, "Mundo Deportivo"-მ, მეოთხედფინალური ბატალიების მეორე დღე შემდეგნაირი სათაურით აღწერა: ""რეალს" ნახევარფინალი ჯიბეში აქვს, მოურინიოს "ჩელსი" კი ბეწვზე კიდია". თუ "Mundo Deportivo" - მ ცუდი განწყობის მიუხედავად მაინც გამონახა ძალები და "სამეფო კლუბის" სიძლიერე აღიარა, სხვა ბარსელონური გამოცემა, "Sport"-ი მაქსიმალურად ეცადა კარლო ანჩელოტის შეგირდების წარმატების დაქვეითება და თან, "დორტმუნდიც" დაამცირა: "მადრიდის "რეალმა" მეოთხედფინალისტთა შორის ყველაზე სუსტი მეტოქე დაამარცხა, ამჟამინდელი "დორტმუნდი" გასული წლის პაროდიაა და მეტი არაფერი...".