- მადრიდის "რეალი" "სოსიედადთან" ლა ლიგის 13 მატჩია არ დამარცეხებულა.
- მას შემდეგ, რაც ვალერი კარპინის გოლმა ბასკებს "რეალთან" გამარჯვება მოუტანა (2004 წლის 10 იანვარი, 1:0), შემდეგი ექვსი საშინაო შეხვედრა "სამეფო კლუბთან" ბასკებისთვის წარუმატებლად დასრულდა.
- გასულ წელს შეხვედრა სან-სებასტიანში 3:3 დასრულდა. მიმდინარე სეზონში კი, პირველ წრეში, "რეალმა" 5:1 იმარჯვა.
- კრიშტიანუ რონალდუ "რეალის" რიგებში ზედიზედ 10 მატჩია გოლს იტანს, მთლიანობაში კი უკვე 11 შეხვედრაა, რაც პორტუგალიელი მოედანს უგოლოდ არ ტოვებს, თუ ნაკრების რიგებში კამერუნის კარში გატანილ გოლსაც ჩავთვლით.
- ამ სეზონში რონალდუმ უკვე ექვსჯერ გაიტანა გარეთ ბეილის პასით. უკანასკნელი, ვინც კრიშტიანუზე ამდენი საგოლე გადაცემის გაკეთება მოახერხა, მესუთ იოზილი იყო: 2010/11 სეზონში მადეირელმა მისი გადაცემით 11-ჯერ იხეირა.
- ბეილი - რონალდუს დუეტს ჯერჯერობით "ატლეტიკოს" წყვილი დიეგო კოსტა - კოკე აღემატება, ამ უკანასკნელმა გაესპანელებულ ბრაზილიელს შვიდჯერ უპასა.
- მთლიანობაში ბეილი და კოკე ლა ლიგის საუკეთესო ასისტენტები არიან (12 - 12 ასისტი).
- "რეალ სოსიედადი" ერთადერთი გუნდია პრიმერაში, რომელსაც ჯერჯერობით წითელი ბარათი არ მიუღია. გასულ სეზონში ბასკებმა ასევე საკმაოდ რბილი გუნდის შთაბეჭდილება დატოვეს, 2012/13 წლების სეზონში მათი ფეხბურთელი მხოლოდ ორჯერ გააძევეს მოედნიდან.
- ასიერ ილიარამენდის და ჩაბი ალონსოს სან-სებასტიანში ასპარეზობის გამოცდილება აქვთ: პირველმა "სოსიედადის" ფორმით ლა ლიგაში 53-ჯერ იასპარეზა (2011-2013 წლები, 0 გოლი), მეორემ - 114-ჯერ (2001-2004, 9 გოლი).