მადრიდის რეალის ვებ-გვერდი

კრიშტიანუ რონალდუ (რეალი)

40 მატჩი, 44 გოლი – საშუალოდ თამაშში – 1,10

“ოქროს ბურთის” მფლობელი არ აქცევს თავის მცირე დაზიანებებს ყურადღბას და გოლი გოლზეც გააქვს. მიმდინარე სეზონში, პორტუგალიელი ძალიან კარგ ფორმაში იმყოფება. მან ჩემპიონთა ლიგაზე 13 გოლის გატანა მოახერხა და ძალიან მიუახლოვდა ლიონელ მესის რეკორდს (14). ამ წელს მხოლოდ 3 მატჩი იყო, როდესაც კრიშტიანუმ მეტოქის კარის დალაშქვრა ვერ მოახერხა. აღსანიშნავია, რომ პორტუგალიელის რეკორდი ერთ სეზონში 60 გოლია.

ზლატან იბრაჰიმოვიჩი (პსჟ)

42 მატჩი, 40 გოლი – საშუალოდ თამაშში 0,95

“პარისენჟერმენში” ედისონ კავანის გადასვლის შემდეგ ბევრი საუბრობდა იმაზე, რომ იბრაჰიმოვიჩი შეიზღუდებოდა. მიუხედავად ამისა, შვედმა “გიგანტმა” ბრწყინვალე ფორმაში ჩადგომა შეძლო და გოლების გატანასაც მოუხშირა. ჩემპიონთა ლიგის ბომბარდირთა დავაში კრიშტიანუს მთავარი კონკურენტი სწორედ ზლატანია. აღსანიშნავია, რომ იბრაჰიმოვიჩმა ერთ სეზონში 40 გოლის გატანა პირველად მოახერხა.

ლიონელ მესი (ბარსელონა)

36 მატჩი, 36 გოლი საშუალოდ თამაშში – 1

ლიონელ მესიმ ფორმაში ჩადგომა მოახერხა. მოგეხსენებათ, არგენტინელმა ტრავმის გამო საკმაოდ ბევრი მატჩი გამოტოვა, თუმცა დაბრუნების შემდეგ დაკარგული ფორმის აღდგენა კვლავ მოახერხა. “ბარსელონას” მთავარმა გოლიადორმა “ელ კლასიკოზე” ჰეტრიკის გაფორმებაც შეძლო. მიუხედავად ამისა, არგენტინელს საკუთარი რეკორდის დამხობა კვლავ ოცნებად რჩება (73).

დიეგო კოსტა (ატლეტიკო)

43 მატჩი, 34 გოლი – საშუალოდ თამაშში – 0,79

გასული სეზონის დასრულების შემდეგ კლუბი რადამელ ფალკაომ დატოვა. მადრიდელთა გულშემატკივრების უმეტესობა თვლიდა, რომ ამ სუპერვარსკვლავის შემცვლელის ძიება ძალიან რთული იქნებოდა. მიუხედავად ამისა, კლუბში დიეგო კოსტა აღმოჩნდა, რომელმაც ბრწყინვალე ფორმაში ჩადგომა მოახერხა და კლუბს არაერთი უმნიშვნელოვანესი ქულები მოუპოვა. აღსანიშნავია, რომ კოსტას “ატლეტიკო” ახლა ლა ლიგას მოგებისთვის იბრძვის და გუშინ ჩემპიონთა ლიგაზე უმნიშვნელოვანესი ფრე ითამაშა “კამპ ნოუზე” ადგილობრივი “ბარსელონას” წინააღმდეგ.

ლუის სუარესი (ლივერპული)

31 მატჩი, 29 გოლი – 0,94

“ლივერპულის” ურუგვაელი სუპერსნაიპერი. მიუხედავად იმისა, რომ ლუის სუარესი არ მონაწილეობს ჩემპიონთა ლიგაზე, მან თავისი გოლების მარაგი მხოლოდ პრემიერ-ლიგაში დააგროვა. იგი დამაჯერებლად ლიდერობს ინგლისის ჩემპიონატის ბომბარდირთა დავას და ასისტენტებს. მოგეხსენებათ, მან პირველი 6 მატჩი დისკვალიფიკაციის გამო გამოტოვა, თუმცა დაბრუნების შემდეგ არაერთი ჰეტრიკი და პოკერიც კი შემოგვთავაზა. ლუის სუარესის წყალობით “ლივერპული” ახლა პრემიერ-ლიგის ცხრილს ლიდერობს. მერსისაიდელები ახლოს არიან, რომ 1990 წლის შემდეგ პირველად მოახერხონ პრემიერ-ლიგის მოგება.

სერხიო აგუერო (მან.სიტი)

28 მატჩი, 26 გოლი 0,93

დიეგო არმანდო მარადონას სიძემ მიმდინარე სეზონში საკმაოდ ბევრი მნიშვნელოვანი გოლით დაგვამახსოვრა თავი. აგუერომ სეზონი ძალიან კარგად დაიწყო, შემდეგ ჰქონდა მცირე დაზიანება, თუმცა დაბრუნების შემდეგ იგი გოლების გატანას კვლავ განაგრძობდა. მიუხედავად ამისა, არგენტინელ ფორვარდს სისტემატიურად აწუხებდა ტრავმები, რაც გოლების გატანაში ხელს ძალიან უშლიდა. ახლა არგენტინელ სუპერვარსკვლავს დაზიანება მუხლზე აწუხებს, რის გამოც კიდევ რამოდენიმე მატჩის გამოტოვება მოუწევს.

დანიელ სტარიჯი (ლივერპული)

28 მატჩი, 23 გოლი – საშუალოდ თამაშში – 0,82

როგორც ვხედავთ, მიმდინარე სეზონში “ლივერპულის” ორივე ფორვარდი წარმოუდგენელ სეზონს ატარებს. დანიელ სტარიჯისა და ლუის სუარესის დუეტმა უკვე ბევრი რამ დაამტკიცა. ინგლისელმა ფორვარდმა ლუის სუარესის არ ყოფნის დროს ურუგვაელის შეცვლა ბრწყინვალედ მოახერხა. სტარიჯის ანგარიშზე არა ერთი უმნიშვნელოვანესი გოლია. მაგალითად “ევერტონის” წინააღმდეგ “გუდისონ პარკზე” სტარიჯმა ბოლო წუთზე მოახერხა გოლის გატანა და ამ გოლით მან თავის კლუბს მნიშვნელოვანი 1 ქულა მოუპოვა.

მარიო მანჯუკიჩი (ბაიერნი)

39 მატჩი, 23 გოლი – საშუალოდ თამაშში 0,59

ამბობენ, რომ მანჯუკიჩი “ბაიერნში” არც ისე კმაყოფილია. გერნანულ პრესაზე დაყრდნობით, მიუნხენური სუპეკლუბი უფრო სტაბილურ ფორავრდს იმსახურებს. მიუხედავად ამისა, მიმდინარე სეზონში მანჯუკიჩმა თავისი გოლეადორის თვისებები ასე თუ ისე გამოამჟღავნა. მოგეხსენებათ, გუშინ “მანჩესტერის” წინააღმდგ ხორვატმა ფეხბურთელმა შემოსვლისთანავე ბრწყინვალე საგოლე გადაცემა გაუკეთა შვაინშტაიგერს. მიუხედავად ამისა, მანჯუკიჩისგან უფრო მეტს ელიან.

რობერტ ლევანდოვსკი (დორტმუნდი)

39 მატჩი, 23 გოლი – საშუალოდ თამაშში – 0,59

და აი, მანჯუკიჩის შემცვლელიც. რობერტ ლევანდოვსკი მიმდინარე სეზონში ვეღარ გამოიყურება ისე, როგორც გასულ წელს. მიუხედავად ამისა, პოლონელი ფორვარდი შიგა და შიგ ახერხებს გოლების გატანას. მოგეხსენებათ, რომ ლევანდოვსკის რეკორდი ერთ სეზონში 36 გოლია, ამ გოლების გატანა მან გასულ წელს მოახერხა. მანჯუკიჩისა არ იყოს, გერმანიაში პოლონელი ფორვარისგან რობერტ ლევანდვსკისგანაც უფრო მეტს ითხოვენ.

კარიმ ბენზემა (რეალი)

41 მატჩი, 23 გოლი – საშუალოდ თამაშში – 0,56

კარიმ ბენზემა მიმდინარე სეზონში ვეღარ ახერხებს იმდენი გოლის გატანას, რამდენსაც გასულ წლებში ახერხებდა. ფრანგმა თავდამსხმელმა ორი წლის წინ “რეალის” მაისურით 30 გოლის გატანა მოახერხა. კრიშტიანუ რონალდუსა და გარეტ ბეილის ფონზე ბენზემა ძალიან იჩრდილება. ამ შემთხვევაში ბენზემა მთავარი მიზანი ბევრი გოლის გატანაა. მიუხედავად ამისა, ფრანგმა ფორვარდმა “ელ კლასიკოზე” დუბლის გაფორმება შეძლო, თუმცა ამ მატჩში მან ძალიან ბევრი 100%-იანი მომენტი გაუშვა ხელიდან.

ფოტო: Reuters