მთავარი » 2014»აპრილი»8 » ზაფხულში "რეალი" სუარესისა და კოუტინიოს შეძენას ეცდება
11:23
ზაფხულში "რეალი" სუარესისა და კოუტინიოს შეძენას ეცდება
"ლივერპულის" დუეტი შესაძლოა ესპანეთში აღმოჩნდეს...
ლუის სუარესი "წითლების" რიგებში დიდებულ სეზონს ატარებს - ის პრემიერლიგის როგორც ბომბარდირთა, ისევე ასისტენტთა დავას უპირობოდ ლიდერობს. ურუგვაელის სახელს აქტიურად უკავშირებენ ევროპის უამრავ გრანდს, მათ შორის, ალბათ, ყველაზე აქტიურად - მადრიდის "რეალს".
მეტიც, El Chiringuito-ს ცნობით, მადრიდული გრანდის პრეზიდენტს, ფლორენტინო პერესს "ლივერპულის" გამთამაშებლის, ფელიპე კოუტინიოს შეძენაც სურს. მოსალოდნელია, რომ ამ დუეტის შესაძენად "სამეფო კლუბი" 80 მილიონს გამოყოფს.
აღსანიშნავია, რომ ბრაზილიელ კოუტინიოს ესპანეთში ასპარეზობის გამოცდილება უკვე აქვს, ის "ესპანიოლში" იჯარის წესით ასპარეზობდა, როდესაც მილანის "ინტერის" საკუთრება იყო.